जळगाव प्रतिनिधी:- बायोडिझेलच्या प्रकरणात सहआरोपी न करण्यासाठी पाच लाखांची लाच मागून तडजोडीअंती तीन लाख रुपयांची लाच घेताना भुसावळ बाजारपेठ पोलीस ठाण्याचे निरीक्षक राहुल गायकवाड यांच्यासह खाजगी पंटर ऋषी दुर्गादास शुक्ला यांना धुळे एसीबीच्या पथकाने लाच स्वीकारताच मंगळवारी सायंकाळी अटक केली.धुळे एसीबीच्या या कारवाईने पोलीस वर्तुळातील लाचखोरांमध्ये प्रचंड खळबळ उडाली आहे.
तडजोडीअंती स्वीकारली तीन लाखांची
लाच
एका प्रकरणात सहआरोपी न करण्यासाठी तक्रारदाराकडे पाच लाखांची लाच मागून तीन लाख रुपये देण्याचे ठरल्यानंतर धुळे एसीबीकडे तक्रार नोंदवण्यात आली.पोलीस निरीक्षक राहुल गायकवाड व सहाय्यक निरीक्षक सांगळे यांच्यासाठी खाजगी हस्तक ऋषी शुक्ला व पोलीस निरीक्षक राहुल गायकवाड यांचा रायटर तुषार पाटील यांनी लाच मागितल्याचे स्पष्ट झाल्यानंतर एसीबीने सापळा रचला. बोदवड तालुक्यातील मनुर फाट्याजवळ ऋषी शुक्ला यास लाच घेताना पकडण्यात आले व नंतर पोलीस निरीक्षकांचा लाच प्रकरणात सहभाग स्पष्ट होताच त्यांनाही अटक करण्यात आली,
असे एसीबीच्या सूत्रांनी सांगितले.
यांनी केला सापळा यशस्वी हा सापळा नाशिक एसीबीच्या पोलीस अधीक्षक शर्मिष्ठा घारगे वालावलकर,अपर पोलीस अधीक्षक माधव रेड्डी, पोलीस उपअधीक्षक नरेंद्र पवार यांच्या मार्गदर्शनाखाली धुळे एसीबीचे पोलीस उपअधीक्षक अभिषेक पाटील, हवालदार राजन कदम, संतोष पावरा, रामदास बारेला,
हवालदार चालक सुधीर मोरे आदींच्या पथकाने यशस्वी केला.
कोणत्याही टिप्पण्‍या नाहीत:
टिप्पणी पोस्ट करा