शिरप र तालुक्यातील बभळाज या गावाजवळ एका मोटारसायकलचा व आयशर गाडीचा अपघात होऊन मोटारसायकलवरील दोघांचा जागीच मृत्यू झाला होता. या अपघातातील मोटारसायकलची पासिंग देखील झालेली नव्हती. खरे पहाता वाहन कायद्यानुसार विक्री झालेल्या वाहनाचे वाहन शोरुम मधून बाहेर काढून देण्यापुर्वीच त्या वाहनाची पासिंग होऊन नंबर प्लेट दिलेली पाहिजे. सदर वाहन हे खरेदी करतांना श्रीराम फायनान्स या कंपनीने फायनान्स केलेला आहे.
म्हणजेच वाहन घेतल्यानंतर लागलीच फायनान्स कंपनी वाहन मालकाचा थर्ड पार्टी विमा काढला जातो. त्यात १५ लाख रक्कमेचा वाहन मालकाचा विमा असतो. शिरपूर तालुक्यातील नवकार ऑटो होळनाथे हे बेकायदा वाहन विक्रेते आहेत. व अश्या ठिकाणी या फायनान्स कंपनीला फायनान्स करण्याचा अधिकार आहे काय ? फायनान्स हा केवळ अधिकृत शोरुम मध्येच करता येतो. बेकायदा वाहन विक्रेत्याच्या शोरुम मध्ये श्रीराम फायनान्स कंपनीने फायनान्स केला तरी कसा ? कोणत्या कायद्यांने ? आणि याचमुळे सदर वाहन मालकाचा परिवार ह्या १५ लाख रुपायाच्या आर्थिक मदतीपासून वंचित राहिला आहे.
मात्र बेकायदा वाहन विक्रेते, फायनान्स कंपनी व आरटीओ त्यातच स्थानिक पोलिस प्रशासन हे सर्वांची मिलीभगत असल्याने हकनाक निष्पाप व्यक्तीचा बळी दिला जात आहे. व हा प्रकार सदोष मनुष्य वधात येतो. याची या अधिकाऱ्यांना चांगल्या प्रकारची महिती असतांना देखील सर्वच यंत्रणा आपल्या बाजूने असल्याने आपले कोणीच काही वाकडे करणार नाही. म्हणून राजरोसपणे हे बेकयदा शोरूम व फायनान्स कंपनीचे दुकाने चालत आहेत. मात्र वृत्तमिडीया हा लोकशाहीचा चौथा आधारस्तंभ आहे. तो कसा शांत बसणार.. आता मात्र हे
बेकायदा वाहन विक्रेत्यांचे बेकायदा शोरुम व त्यात नियमबाह्य फायनान्स कंपनीचे दुकाने हे बंद झालीच पाहिजे. पोलिस प्रशासनाने व जागरुक नागरीकांनी आणि स्थानिक ग्रामपंचायत, नगरपालिका, महानगरपालिका यांनी देखिल याकडे लक्ष देणे आवश्यक आहे. व आपल्या हद्दीतील असे बेकायदा वाहन विक्रेत्यांची दुकाने बंद करावीत. यदा कदाचित यामुळे भविष्यातील आपल्या गावातील, आपल्या घरातील एखाद्याचे जाणारे प्राण वाचविता येऊ शकतो.
कोणत्याही टिप्पण्या नाहीत:
टिप्पणी पोस्ट करा