घोडगाव (गलंगी- वार्ताहर) येथील नूतन शिक्षण प्रसारक मंडळ संचलित एस.एन. आर .जी. इंग्लिश मीडियम स्कूलच्या वतीने दिवाळी सणानिमित्त अनोखा उपक्रमाचे आयोजन करण्यात आले.अनेर डॅम परिसरातील आदिवासी पाड्यातील बांधवांना भेटवस्तू व आदिवासी विद्यार्थ्यांना मिठाई वाटप करून त्यांची दिवाळी गोड करण्यात आली.आदिवासी बांधवांना कपडे, ब्लॅंकेट, बूट ,चप्पल वाटप करण्यात आले. आदिवासी मुलांना कपडे, शैक्षणिक साहित्य , मिठाई वाटप करुन त्यांच्या चेहऱ्यावरील हास्य फुलवले.
संस्थेचे अध्यक्ष चंद्रासहासभाई गुजराथी, संचालक मंडळ यांची प्रेरणा व मार्गदर्शन या उपक्रमासाठी लाभले. एस.एन.आर.जी.इंग्लिश मीडियम स्कूलचे प्राचार्य श्रीमती जेनिफर साळुंखे, कल्पेश साळुंखे, मेहुल पाटील व शिक्षक स्टाफच्या हस्ते भेटवस्तू व मिठाईवाटप करण्यात आली.
या निमित्ताने आदिवासी संस्कृतीचे दर्शन विद्यार्थ्यांना करून देण्यात आले. याप्रसंगी अनेर डॅम परिसर व निसर्ग दर्शनाचा आनंद विद्यार्थ्यांनी घेतला. या उपक्रमामुळे आदिवासी बांधवांची दिवाळी गोड झाली.आदिवासी बांधवांनी संस्थेचे अध्यक्ष चंद्रहासभाई गुजराथी, संचालक मंडळ, एस. एन. आर.जी. इंग्लिश मीडियम स्कूलचे प्राचार्य व शिक्षक वृंदांचे आभार मानले.
कोणत्याही टिप्पण्या नाहीत:
टिप्पणी पोस्ट करा