माननीय विभागीय कृषी सहसंचालक, नाशिक विभाग ,नाशिक आदरणीय श्री मोहन वाघ साहेब यांच्या प्रमुख मार्गदर्शनाखाली तसेच धुळे जिल्हा अधीक्षक कृषी अधिकारी,धुळे श्री कैलास शिरसाट साहेब व कृषी विकास अधिकारी,जिल्हा परिषद धुळे श्रीमती कावेरी राजपूत यांच्या मार्गदर्शनाने व सहभागाने
आज दिनांक 26/5/ 2024 रोजी मिळालेल्या गोपनिय माहितीनुसार मेसर्स चित्राई कृषी सेवा केंद्र ,लक्ष्मी रोड ,साक्रीचे प्रोप्रायटर श्री. निलेश दिगंबर सावळे या बियाणे विक्री केंद्रातून मेसर्स राशी सीड्स कोईबतूर उत्पादित आर सी एच 578 बीजी 2 या कापूस बियाण्याची जादा दराने विक्री होत असल्याबाबत गुप्त खबर जिल्हा भरारी पथकाला मिळाली होती.त्यानुसार आज दुपारी दोन वाजेच्या सुमारास कृषी विकास अधिकारी जिल्हा परिषद,धुळे,श्रीमती कावेरी राजपूत ,मोहीम अधिकारी श्री प्रदीपकुमार निकम
कृषी अधिकारी पंचायत समिती,साक्री,श्री रमेश महादेव नेतनराव
तालुका कृषी अधिकारी साक्री श्री योगेश सोनवणे ,
मंडळ कृषी अधिकारी पिंपळनेर श्री तानाजी सदगीर,
डाटा ऑपरेटर रिजवान शेख ,पोलीस कॉन्स्टेबल श्री पांचाळ यांनी डमी ग्राहकाच्या माध्यमातून सदर बियाणे विक्री केंद्रावर छापा टाकून मेसर्स राशी सीड्स उत्पादित संकरित कापूस बियाणे वाण आर सी एच 578 बीजी 2 ची प्रति पाकीट 1100 रुपये याप्रमाणे जादा दराने विक्री होत असल्याचे रंगेहात पकडले.
त्यामुळे मोहीम अधिकारी जिल्हा परिषद, धुळे ,श्री प्रदीपकुमार निकम यांनी मेसर्स चित्राई कृषी सेवा केंद्र साक्रीचे प्रोप्रायटर श्री निलेश दिगंबर सावळे यांच्या विरोधात बियाणे कायदा 1966,बियाणे नियंत्रण आदेश 1983,इत्यादी अन्वये साक्री पोलीस स्टेशन येथे गुन्हा क्रमांक 194 /2024 अन्वये गुन्हा दाखल करण्यात आला आहे.
या कारवाईसाठी श्री रमेश महादेव नेतनराव कृषी अधिकारी,पंचायत समिती,साक्री
श्री योगेश दिगंबर सोनवणे,तालुका कृषी अधिकारी,साक्री श्री.रिजवान रफिक शेख डाटा ऑपरेटर साक्री,श्री तानाजी सदगीर मंडळ कृषी अधिकारी ,पिंपळनेर यांनी परिश्रम घेतले. तसेच या कारवाईसाठी तांत्रिक मार्गदर्शन श्री नितेंद्र पानपाटील विभागीय गुणवत्ता नियंत्रण निरीक्षक, नाशिक
श्री उल्हास ठाकूर तंत्र अधिकारी,गुणवत्ता नियंत्रण ,विभागीय कृषी सहसंचालक कार्यालय नाशिक
श्री अरुण तायडे,जिल्हा गुणवत्ता नियंत्रण निरीक्षक,धुळे यांनी केले.
जादा दराने कृषी निविष्ठांची विक्री करून शेतकऱ्यांची आर्थिक पिळवणूक करणाऱ्यांची गय केली जाणार नाही असा इशारा मा.विभागीय कृषी सहसंचालक नाशिकचे विभागीय कृषी अधिकारी वाघ साहेब यांनी दिला
कोणत्याही टिप्पण्‍या नाहीत:
टिप्पणी पोस्ट करा