परंडा (राहुल शिंदे) दि.१३ महाराष्ट्र राज्याचे आरोग्य व कुटूंब कल्याणमंत्री तथा धाराशिव जिल्ह्याचे पालकमंत्री आ. तानाजी सावंत यांचे पुतणे मा. जि.प उपाध्यक्ष धनंजय सावंत यांच्या भैरवनाथ शुगर वर्क्स सोनारी येथील निवासस्थानी काल मध्यरात्री १२:३७ ला गोळीबार झाल्याची माहिती आहे रात्री दोन अज्ञात व्यक्तींनी दुचाकीवर येऊन गोळीबार केल्याची माहिती धनंजय सावंत यांच्या सुरक्षारक्षकाकडून आंबी पोलीस ठाण्यात देण्यात आली आहे. गोळीबार कोणी केला हे अद्यापस्पष्ट झाले नसुन पोलीस त्याचा योग्य तपास करतील अशी अपेक्षा धनंजय सावंत यांनी व्यक्त केली आहे.
राज्याचे मुख्यमंत्री एकनाथ शिंदे, उपमुख्यमंत्री तथा गृहमंत्री देवेंद्र फडणवीस यांच्यासह अन्य नेते उद्या दि. १४ रोजी परंडा तालुक्यात येत असून त्याच्या अगदी आदल्या दिवशी ही घटना घडल्याने मोठी खळबळ उडाली आहे.
दोन दिवसापूर्वी गावभेट दौऱ्यात खंडेश्वरी प्रकल्पाच्या कामावरून गोंधळ झाला होता त्या दृष्टीने संशय व्यक्त केला जात आहे. एका आंदोलकाकडे बंदूक होती. पोलीस सुरक्षा तैनात असताना देखील शास्रधारी आंदोलक पालकमंत्री यांच्याजवळ पोहचला होता. यावेळी धनंजय सावंत उपस्थित होते. गोळीबाराला या वादाची पार्श्वभूमी आहे का याचा पोलीस अधिक तपास करत आहेत.
कोणत्याही टिप्पण्या नाहीत:
टिप्पणी पोस्ट करा