महाराष्ट्र विधानसभेच्या शिरपूर मतदार संघासाठी 20 नोव्हेंबर रोजी मतदान सुरळीत व शांततेत पार पडले असून या निवडणुकीची मतमोजणीची तयारी अंतिम टप्प्यात असल्याची माहिती निवडणूक निर्णय अधिकारी तथा उपविभागीय अधिकारी डॉ. शरद मंडलिक यांनी दिली.
महाराष्ट्र विधानसभा निवडणुकीसाठी राज्यात 20 नोव्हेंबर,2024 रोजी मतदान पार पडले आहेत. शिरपूर विधानसभा निवडणुकीचे मतदानही सुरळीत व शांततेत पार पडले आहे. या निवडणुकीची मतमोजणी शनिवार, 23 नोव्हेंबर, 2024 रोजी सकाळी 8 वाजेपासून मुकेशभाई पटेल टाऊन हॉल, शिरपूर येथे होणार आहे. या मतमोजणीसाठी एकूण 14 टेबल लावण्यात आले असून पोस्टल मतमोजणीसाठी सहा टेबलची व्यवस्था करण्यात आली आहे. सकाळी 8 वाजता ईव्हीएमवरील मतमोजणीस सुरूवात होणार आहे. या मतमोजणीसाठी प्रत्येक टेबलवर दोन कर्मचारी, एक पर्यवेक्षक व एक सूक्ष्म निरीक्षकाची नियुक्ती करण्यात आली आहे.
शिरपूर विधानसभा मतदार संघात एकूण 336 मतदान केंद्र आहेत. एका फेरीत 14 मतदान केंद्रांची मतमोजणी होणार आहेत. त्यानुसार मतमोजणीच्या एकूण 24 फे-या होतील.या निवडणुकीच्या मतमोजणीसाठी एकूण 250 पेक्षा अधिक अधिकारी व कर्मचारी यांची नियुक्ती करण्यात आल्याची माहितीही निवडणूक निर्णय अधिकारी डॉ. मंडलिक यांनी दिली आहे.
केंद्रीय निवडणूक निरीक्षक रणजीत कुमार यांनी आज शिरपूर येथील मतमोजणी केंद्रास भेट देऊन पाहणी केली. तसेच तेथील बंदोबस्त व मतमोजणी प्रक्रियेची माहिती घेतली व आवश्यक त्या सुचना दिल्यात. यावेळी निवडणूक निर्णय अधिकारी तथा उपविभागीय अधिकारी डॉ शरद मंडलिक, कार्यकारी अभियंता श्री. पंडागळे, सहाय्यक निवडणूक निर्णय अधिकारी तथा तहसीलदार महेंद्र माळी आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा