व्यापाऱ्यांकडून मिळवल्या दिवाळी व विजयाच्या शुभेच्छा व आशीर्वाद
अमळनेर प्रतिनिधी : विधानसभा मतदारसंघाचे उमेदवार अनिल भाईंदास पाटील व खासदार स्मिता वाघ या दोघांनी महायुतीची दिवाळी भेट पदयात्रा काढत व्यापारी बांधवांची भेट घेत दिवाळीच्या व विजयाच्या शुभेच्छा मिळवल्यात. लक्ष्मी पूजनाच्या दिवशीं सकाळीच पाच पावली देवी मंदिरात सर्व भाजप, राष्ट्रवादी व शिवसेना महायुती चे कार्यकर्ते, पदाधिकारी, माजी नगरसेवक सर्व एकत्रित आल्यानंतर तेथून वाजत गाजत अनिल पाटील व स्मिता वाघ यांचा जयघोष करीत पदयात्रेस सुरूवात झाली.मंत्र्यांच्या पदयात्रेच्या वेळी व्यापाऱ्यांनी बाजारपेठत झालेले नवीन रस्ते , व्यापारी व ग्राहकांची झालेली सोय, शहरात सर्वत्र झालेले रस्ते व विकास कामे या बाबींची चर्चा केली.यावेळी शिवाजी मार्केट, बाजारपेठ परिसर, भागवत रोड, मारवाडी गल्ली, स्टेशन रॉड, सुभाष चौक परिसर, कुंटे रोड, दाणा बाजार, सराफ बाजार आदी परिसरातुन ही पदयात्रा काढण्यात आली.
गुन्हेगार आत गेल्याने व्यापारी सुरक्षित
शहरात अनेकदा काही गुंड प्रवृत्तीच्या लोकांकडून व्यापारी बांधवाना धमकावून खंडणी मांगणे किंवा धाकाने उधार माल घेऊन जाऊन पुन्हा तोंड न दाखवणे असे प्रकार घडत होते, परंतु अनिल पाटील हे आमदार झाल्यापासून अनेक गुंड प्रवृत्तीची धरपकड होऊन ते कोंडले गेल्याने आज खऱ्या अर्थाने व्यापारी सुरक्षित झाले निर्भिड पणे व्यवसाय होत आहे. अशी प्रतिक्रिया विजय कुमार जैन यांनी व्यक्त केली.
दिवाळीचे फटाके तर आम्हीच वाजविणार
दिवाळी निमित्त ही फेरी काढून आपल्या व्यापारी बांधवाना शुभेच्छा आम्ही दिल्या आहेत.प्रत्येक ठिकाणी आम्हाला भरभरून प्रेम आणि आशीर्वाद मिळाले असून व्यापारी बांधवांचा हा प्रतिसाद पाहता दिवाळीचे खरे फटाके तर आमची महायुतीच उडविणार हे स्पष्ट आहे असा विश्वास उमेदवार अनिल पाटील यांनी व्यक्त केला.
व्यापारी बांधव महायुतीच्याच पाठीशी
लोकसभा निवडणुकीत सर्व लहान मोठे व्यावसायिक व व्यापारी बांधव भाजप व महायुतीच्याच पाठीशी होते, शहरातील प्रत्येक व्यापारी बांधवानी मला मतदान केले आहे. आजही आम्ही दिवाळी भेटीच्या निमित्ताने प्रत्येकाचा उत्तम प्रतिसाद अनुभवला असून यामुळे व्यापारी बांधव या निवडणुकीत देखील भाजप महायुतीच्याच पाठीशी असल्याचे स्पष्ट आहे. महायुती आणि विकास कामे या बळावर अनिल पाटलांना जोरदार समर्थन मिळेल यात शंका नाही असा विश्वास खासदार स्मिता उदय वाघ यांनी व्यक्त केला.
कोणत्याही टिप्पण्या नाहीत:
टिप्पणी पोस्ट करा