शेगाव शहर प्रतिनिधी:अखिल भारतीय भोई समाज सेवा संस्थेच्यावतीने जानेवारीपासून १८ तिरूपती बालाजी येथे भोई समाजाच्या दोन दिवसीय राष्ट्रीय अधिवेशनाचे करण्यात आले आहे.आयोजन भोई समाजाच्या विविध मागण्यांसाठी यावर्षी संघटनेने हे अधिवेशन आयोजित केले आहे. तिरुपती बालाजी एस.आर.कन्व्हेन्शन हॉल येथे हे अधिवेशन होणार आहे. अधिवेशनासाठी प्रमुख पाहुणे म्हणून महाराष्ट्राचे मुख्यमंत्री देवेंद्र फडणवीस, राजस्थानचे राज्यपाल हरिभाऊ बागडे, केंद्रीय रस्ते विकास मंत्री नितीन गडकरी,आंध्रप्रदेशचे मुख्यमंत्री चंद्रबाबू नायडू व खा. छत्रपती शाहू महाराज यांना निमंत्रित केले आहे.
महाराष्ट्रामध्ये भोई समाजाची लोकसंख्या ३० ते ४० लाख आहे. असे असूनही समाजाचा एकही आमदार, खासदार नाही. त्यामुळे महाराष्ट्रातील भोई समाजाचे नेते व संघटनेचे राष्ट्रीय महासचिव याना विधानपरिषदेवर संधी देण्यात यावी, राज्यामध्ये जिल्हावार आर्थिक निकष निर्माण करण्यासाठी मॉर्डन आराखडा तयार करणे,भोई समाजासाठी आर्थिक विकास महामंडळ स्थापन करणे, विद्यार्थी वसतिगृह निर्माण करणे, इत्यादी मागण्यांसाठी या अधिवेशनातून आवाज उठविल्या जाणार आहे.
तरी या अधिवेशनाला बुलढाणा जिल्ह्यातील भोई समाज बांधवांना उपस्थित राहण्याचे आवाहन जिल्ह्यातील भोई समाज सेवक श्री अंबादास जी मेसरे उपकोषागार अधिकारी, भोई समाज युवा मंच महाराष्ट्र प्रदेश संघटक श्री निलेश भाऊ साटोटे,समाज सेवक श्री विजय भाऊ साटोटे,भोई समाज युवा मंच विदर्भ अध्यक्ष तथा भाजपा शेगाव शहर सोशल मीडिया प्रमुख श्री उमेश सुरेशराव राजगुरे यांनी केले आहे.
कोणत्याही टिप्पण्या नाहीत:
टिप्पणी पोस्ट करा