शिंगावे शिवारात आदिवासींच्या जमिनीवर तालुक्यातील प्रतिष्ठित व उच्चभृत व्यक्तींचा डल्ला; उच्च न्यायालयाच्या आदेशाचा वेगळा अर्थ लावत फसवणुकीचा डाव उघड!!

"जिल्हा अधिकाऱ्यांची संबंधित अधिकाऱ्यांवर कारवाई कधी? वरिष्ठ प्रशासनाच्या भूमिकेकडे जनतेचे लक्ष!"

शिरपूर प्रतिनिधी:- शिरपूर येथील मौजे शिंगावे येथील बहुचर्चित आदिवासींच्या जमीन प्रकरणात प्रशासनाने दिलेला ऐतिहासिक निकाल. तसेच उच्च न्यायालयाच्या 'जैसे-थे' आदेशाचा हेतू पुरस्सर चुकीचा अर्थ लावून आणि शासनाची परवानगी न घेता बेकायदेशीरपणे फेरफार नोंद केली. 

महत्त्वाचे मुद्दे:

फसवणुकीचा डाव: आदिवासी जमिनीचे व्यवहार शासनाच्या परवानगीशिवाय स्वतःच्या नावे करण्याचा प्रयत्न झाला होता.

प्रशासकीय कारवाई: तक्रारदार यांच्या हरकतीची दखल घेत मंडळाधिकाऱ्यांनी ही नोंद रद्द करण्याचे आदेश दिले.

दणका: या निकालामुळे तालुक्यातील भूमाफियाना मोठा झटका बसला असून, जमिनीच्या व्यवहारातील मोठी अनियमितता चव्हाट्यावर आली आहे.

"कायद्याचे उल्लंघन करून महसूल दप्तरी झालेली नोंद कोणत्याही परिस्थितीत खपवून घेतली जाणार नाही," असा कडक संदेश या निकालातून देण्यात आला आहे.

शिरपूर तालुक्यातील मौजे शिंगावे शिवारात आदिवासी बांधवांच्या मालकीच्या जमिनी हडपण्याचे एक मोठे रॅकेट सक्रिय असल्याचे धक्कादायक वास्तव समोर आले आहे. कोणताही अधिकृत आदेश नसताना, कायद्याचे उल्लंघन करून आदिवासींच्या जमिनी बिगर-आदिवासी व्यक्तींनी बेकायदेशीरपणे खरेदी केल्याचा खळबळजनक प्रकार उघडकीस आला आहे. या प्रकरणात प्रशासनाने कडक पाऊल उचलत बेकायदेशीर फेरफार नोंद नामंजूर केल्याने भूमाफियांचे धाबे दणाणले आहेत.

 या भू माफियांचे शासकीय कार्यालयातील नक्की प्रशासकीय सगे-सोयरे व हितचिंतक कोणते यांचा शोध घेऊन जिल्हा व तालुका प्रशासकीय अधिकारी काय कारवाई करतील यांच्याकडे तालुक्यातील नागरिकांचे लक्ष लागून आहे.

सविस्तर बातमी पुढील अंकात....