तरूण गर्जना रिपोट
शिंदखेडा तालुक्यातील बेटावद येथे आज सायंकाळी एका दुर्दैवी घटनेत पिसाळलेल्या मोकाट कुत्र्यांच्या हल्ल्यात एका ५० वर्षीय महिलेचा मृत्यू झाला. अरुणा बलु भिल असे मृत महिलेचे नाव आहे. ही घटना - सायंकाळी पाच वाजेच्या सुमारास उघडकीस आली.
मिळालेल्या माहितीनुसार, अरुणा भिल ह्या शेतात चारा काढण्यासाठी गेल्या होत्या. - दरम्यान, जुना मुडावद रस्त्यावर कैलास नगरच्या बाजूला त्या न रक्तबंबाळ अवस्थेत आढळल्या. गावकऱ्यांनी त्यांना तातडीने
उपचारासाठी दाखल केले, परंतु डॉक्टरांनी त्यांना मृत घोषित केले. या घटनेमुळे संतप्त झालेल्या गावकऱ्यांनी मृतदेह बेटावद ग्रामपंचायत कार्यालयात आणून ठेवला. पिसाळलेल्या कुत्र्यांचा बंदोबस्त होत नाही तोपर्यंत मृतदेह हलवणार नाही, अशी भूमिका गावकऱ्यांनी घेतल्याने काही काळ तणावाचे वातावरण निर्माण झाले
होते. घडलेल्या घटनेची माहिती मिळताच नरडाणा पोलीस ठाण्याचे सहाय्यक पोलीस निरीक्षक निलेश मोरे यांनी घटनास्थळी धाव घेतली. त्यांनी आणि स्थानिक पदाधिकाऱ्यांनी गावकऱ्यांची समजूत काढल्यानंतर रात्री उशिरा मृतदेह शवविच्छेदनासाठी नरडाणा ग्रामीण रुग्णालयात दाखल करण्यात आला. बेटावद आणि परिसरात पिसाळलेल्या मोकाट कुत्र्यांनी मोठा हैदोस घातला आहे. गेल्या आठवड्यात अमळनेर तालुक्यातील भिलाली येथे एका लग्नात आलेल्या आदिवासी युवकावरही अशाच प्रकारे हल्ला झाला होता, ज्यात तो गंभीर जखमी झाला होता.परिसरातील पिसाळलेल्या कुत्र्यांचा बंदोबस्त तात्काळ झाला पाहिजे परिसरातील नागरीकांची मांगणी
कोणत्याही टिप्पण्‍या नाहीत:
टिप्पणी पोस्ट करा