खुनाचा गुन्हा दाखल ,शोधासाठी पोलीस पथक रवाना
अमळनेर : तालुक्यातील पातोंडा येथील विद्युत ठेकेदाराच्या भावाला लोखंडी पाईप आणि लोखंडी पहार ने झालेल्या जबर मारहाणीत जखमी कैलास शामसिंग प्रजापती याचा मृत्यू झाल्याने आरोपींवर खुनाचा गुन्हा दाखल करण्यात आला आहे*
२९ रोजी रात्री आठ वाजेच्या सुमारास पातोंडा येथे विका सोसायटीच्या गोदामात विद्युत ठेकेदार राजेश शामसिंग प्रजापती रा खापरखेडा ता पिपरिया जि नर्मदापुरम मध्यप्रदेश याचा भाऊ कैलास शामसिंग प्रजापती हा पातोंडा येथील विका सोसायटी च्या गोदामात झोपले होते. रात्री सलीम उर्फ संदीप धुर्वे , गोपाळ धुर्वे साहुलाल धुर्वे , पंकज सेलू उमरावसिंग , शिवम फुलसिंग यांनी कैलास ला उठवून आताच्या आता ४० हजार रुपये दे म्हणून त्याच्याशी भांडू लागले. कैलास ने त्यांना आता पैसे नाही सकाळी पैसे देतो म्हणून सांगितले असता चौघांनी कैलास ला आर्थीन्ग चा लोखंडी पाईप आणि लोखंडी पहार ने कैलासच्या नाकातोंडावर , पायावर वार केले तसेच दोन्ही हात फ्रॅक्चर केले. त्यात कैलास बेशुद्ध झाला. हे पाहून आरोपी पळून गेले. ३० रोजी सकाळी सुपरवायझर तिवारी मजुरांना घ्यायला गेले असता त्यांना कैलास बेशुद्ध अवस्थेत आढळून आला. त्याला तातडीने धुळे येथे सरकारी दवाखान्यात नेण्यात आले. त्याची प्रकृती अतिशय गंभीर असल्याने त्याला इंदोर येथे दवाखान्यात दाखल करण्यात आले होते. मारहाणीत कैलास रात्रीपासून बेशुद्ध होता जबरदस्त जखमी झाला होता. उपचारादरम्यान त्याचा मृत्यू झाल्याने आरोपींविरुद्ध खुनाचा गुन्हा दाखल करण्यात आला आहे. पोलीस निरीक्षक दत्तात्रय निकम यांनी तातडीने छिंदवाडा मध्यप्रदेश व परिसरात आरोपींच्या शोधासाठी पथक रवाना करण्यात आले आहे.
कोणत्याही टिप्पण्‍या नाहीत:
टिप्पणी पोस्ट करा