शिंदखेडा तालुक्यातील दहिवेल (ता. शिंदखेडा) येथे घडलेली एक घटना अपघात असल्याचे प्रथमदर्शनी भासवत असली, तरी नरडाणा पोलिसांनी तपासाचा धागा पकडत केवळ दोन तासांत खून प्रकरणाचा उलगडा केला. पत्नीला छतावरून ढकलून दिल्याची कबुली देत आरोपी पती उदय भिल याला अटक करण्यात आली आहे.
२५ जून रोजी सूनिता भिल (वय ३३) हीचा छतावरून पडून मृत्यू झाल्याचे प्रथमदर्शनी सांगितले जात होते. मात्र मृतदेहेवरील गंभीर डोक्यावरील जखमा संशयास्पद वाटत होत्या. सहायक पोलीस निरीक्षक निलेश मोरे यांच्या नेतृत्वाखाली सुरू असलेल्या तपासात पतीकडून चौकशी करण्यात आली. त्यावेळी त्याने पत्नीच्या डोक्यात लाकडी दांड्याने मारहाण करून तिला छतावरून ढकलल्याची कबुली दिली.
या प्रकरणी पती उदय भिल याच्याविरुद्ध भारतीय दंड विधान कलम ३०२(१) नुसार खूनाचा गुन्हा दाखल करण्यात आला आहे. या यशस्वी तपासासाठी कार्यकारी पोलीस अधीक्षक श्रीकांत धिवरे,अप्पर पोलीस अधीक्षक किशोर काळे,उपविभागीय अधिकारी सुनील गोसावी यांचे मार्गदर्शन लाभले. या पथकात रवींद्र महाले, हेमंत पाटील, ललित पाटील, अनसिंग पवार, विक्रांत देसले, भरत चव्हाण नारायण गवळी, राकेश शिसाट, योगेश गिते, अर्पण र्मोरे, विजय माळी, सचिन बागुल आदींचासहकारऱ्यांचा समावेश होता.
नरडाणा पोलिसांनी दाखवलेली तत्परता आणि तपासातील सुस्पष्टता खरोखरच कौतुकास्पद असून, या घटनेमुळे परिसरात खळबळ उडाली आहे.
कोणत्याही टिप्पण्या नाहीत:
टिप्पणी पोस्ट करा