शिरपूर प्रतिनिधी / येथील,एच.आर.पटेल कला महिला महाविद्यालयाच्या रासेयो एककातर्फे महात्मा गांधी व लालबहादुर शास्त्री यांच्या जयंती निमित्त स्वच्छता जनजागृती फेरी व शासकीय जिल्हा रुग्णालय, शिरपूर परिसरात स्वच्छता अभियान राबविण्यात आले.
या निमित्त,महाविद्यालयाच्या प्राचार्या डॉ शारदा शितोळे यांनी या स्वच्छता फेरीत सहभाग नोंदवून स्वयंसेवक विद्यार्थीनींना प्रोत्साहन दिले.डॉ शितोळे यांनी महात्मा गांधी यांच्या स्वच्छ भारत या संकल्पनेची रासेयो स्वयंसेवक विद्यार्थीनींशी सखोल चर्चा केली.
या प्रसंगी,महिला माहाविद्यालयाच्या रासेयो एककातील एकूण 122 स्वयंसेवक विद्यार्थीनींनी मिळून शासकीय जिल्हा रुग्णालयाच्या परिसरातील केर-कचरा साफ केला. त्यांनी रुग्णालय आवारातील गवत, प्लास्टीक, कागद, रुग्णालयातील टाकाऊ माल जमा करून संपूर्ण परिसरात झाडू मारला.
या अभियानाचे आयोजन रासेयो कार्यक्रम अधिकारी डॉ.आर.एम.वाडिले,रासेयो महिला कार्यक्रम अधिकारी डॉ.मनिषा चौधरी व रासेयो सहायक कार्यक्रम अधिकारी श्री भास्कर खैरनार यांनी केले.
कोणत्याही टिप्पण्‍या नाहीत:
टिप्पणी पोस्ट करा