जिल्ह्यात अवैध जुगाराचा विळखा दिवसेंदिवस घट्ट होत असून, वर्षभरात तब्बल ५२८ जुगाराचे गुन्हे दाखल झाले आहेत. याचा अर्थ दर महिन्याला सरासरी ४४, तर दररोज १ ते २ जुगार अड्ड्यांवर छापे टाकावे लागत आहेत. आकडेवारी पाहता जुगाराचे जाळे शहरासह ग्रामीण भागातही खोलवर पसरल्याचे स्पष्ट होते.
🔹 पोलिसांची कारवाई सुरू, पण जुगार कायम
१७ पोलिस ठाण्यांच्या हद्दीत ही कारवाई झाली असली, तरी अनेक ठिकाणी छुप्या पद्धतीने जुगार सुरूच असल्याची चर्चा आहे. मटका, पत्त्यांचा क्लब आणि ऑनलाइन जुगार यांचा यात समावेश आहे.
🔹 युवा पिढी जाळ्यात, संसार उध्वस्त
जलद पैशाच्या आमिषामुळे तरुण पिढी जुगाराकडे वळत असून, त्यातून चोरी, मारामारी, घरगुती वाद यांसारख्या गुन्ह्यांत वाढ होत आहे. अनेक कुटुंबांचे संसार उद्ध्वस्त होत असल्याचे चित्र आहे.
🔹 नागरिकांची ठाम मागणी
फक्त खेळणाऱ्यांवर नव्हे, तर जुगार चालवणाऱ्या सूत्रधारांवर कठोर कारवाई करण्याची मागणी नागरिकांकडून होत आहे. सातत्याने कारवाई झाली तरच हा सामाजिक रोग आटोक्यात येईल, अशी अपेक्षा व्यक्त होत आहे.
कोणत्याही टिप्पण्या नाहीत:
टिप्पणी पोस्ट करा