शिरपूर प्रतिनिधी - राज्य शासनाने प्लास्टिक पिशव्यांवर कडक बंदी घालून अनेक वर्षे उलटली असतानाही शिरपूर शहरात मात्र ही बंदी केवळ कागदावरच उरल्याचे धक्कादायक वास्तव समोर आले आहे. शहरातील बाजारपेठा, भाजी मंडई, किराणा दुकाने व रस्त्यालगतचे हातगाडे याठिकाणी प्लास्टिक पिशव्यांचा खुलेआम वापर सुरू असून, याकडे वरवाडे नगरपरिषद मुद्दाम डोळेझाक करत असल्याचा संतापजनक आरोप नागरिक करत आहेत.प्लास्टिक बंदीची अंमलबजावणी करण्याची जबाबदारी असलेल्या प्रशासनाचा पूर्णपणे अपयश आले असून, कोणतीही ठोस कारवाई, दंडात्मक पावले किंवा तपासणी मोहीम दिसून येत नाही. परिणामी व्यापाऱ्यांना मोकळे रान मिळाले असून नियमांचे सर्रास उल्लंघन होत आहे.
पर्यावरणाचा ऱ्हास होत असताना प्रशासनाची ही बेफिकीर भूमिका अत्यंत गंभीर असून, नागरिकांच्या आरोग्याशी थेट खेळ केला जात असल्याचे चित्र आहे.
आता तरी शिरपूर शहरात प्लास्टिक बंदीची कडक अंमलबजावणी होणार की नेहमीप्रमाणे हे प्रकरण दुर्लक्षित केले जाणार, याकडे संपूर्ण शहराचे लक्ष लागले आहे. अन्यथा नागरिक आंदोलनाचा मार्ग स्वीकारतील, असा इशाराही देण्यात येत आहे.
कोणत्याही टिप्पण्या नाहीत:
टिप्पणी पोस्ट करा