अमळनेर, (वा.) तालुक्यातील वावडे येथे सात बंद घरे फोडत अज्ञात चोरट्यांनी रोख रकमेसह सोन्याचांदीचे दागिने असा एकूण १ लाख ५५ हजार ५०० रुपयांचा ऐवज चोरून नेल्याची घटना २० रोजी रात्री ते २१ रोजी सकाळ दरम्यान घडली.
वावडे येथील काही लोक बाहेरगावी गेलेले असताना काही अमळनेरमध्ये राहायला असलेल्या बंद घरांची माहिती घेत चोरट्यांनी शिताफीने कुलूप उघडून दिनेश मच्छीन्द्र पाटील यांच्या घरातून २० हजार रुपये व सात
भार चांदी, राजेंद्र पुंडलिक पाटील यांच्या घरातून २५ हजार रुपये रोख, प्रदीप तोरण पाटील यांच्या घरातील १७ हजार रुपये रोख आणि ५ ग्राम सोन्याची पोत, बारकू पितांबर पाटील यांच्या घरातून २५ हजार रोख व ३० ग्राम सोन्याची पोत, तसेच रतीलाल अमृत
पाटील यांच्या घरातून सोन्याचे टोंगल, अंगठी आणि चांदी असे साहित्य चोरून नेले. तसेच अरुण ढोमण पाटील यांचेही घर फोडले.
चोरट्यानी घरातील कपाट तोडून कपडे व इतर साहित्य उलगडून अस्ताव्यस्त फेकलेले होते. डीवायएसपी विनायक कोते, एपीआय जीभाऊ पाटील, सुनील पाटील, दिनेश पाटील, संदीप पाटील, प्रवीण मांडोळे यांनी भेट देऊन पाहणी केली. जळगाव येथून श्वान पथक, ठसे तज्ञ, फॉरेन्सिक पथक यांनीही घटनस्थळावरून नमुने गोळा केले.
कोणत्याही टिप्पण्या नाहीत:
टिप्पणी पोस्ट करा