शिरपूर | प्रतिनिधी शिरपूर शहरातील भोई समाजातील सागर सुकलाल निकवाडे या होतकरू तरुणाची Indo-Tibetan Border Police (ITBP) मध्ये निवड झाल्याने शहरात व समाजात आनंदाचे वातावरण आहे. अत्यंत गरीब कुटुंबातून आलेल्या सागरने जिद्द, मेहनत आणि चिकाटीच्या जोरावर हे यश संपादन केले आहे.
आर्थिक अडचणी असूनही सागरने शिक्षणासोबतच शारीरिक व मानसिक तयारी सातत्याने सुरू ठेवली. कष्ट, शिस्तबद्ध जीवनशैली आणि ध्येयाप्रती असलेली निष्ठा यामुळे त्याने ITBP च्या कठीण निवड प्रक्रियेत यश मिळवले. त्याच्या या यशामुळे अनेक तरुणांना प्रेरणा मिळत असून “परिस्थितीपेक्षा परिश्रम मोठे” हेच त्याने सिद्ध केले आहे.
सागरच्या निवडीबद्दल कुटुंबीय, मित्रपरिवार तसेच भोई समाजातील मान्यवरांनी अभिनंदनाचा वर्षाव केला आहे. सागरने आपल्या यशाचे श्रेय आई-वडिलांचे संस्कार, गुरुजनांचे मार्गदर्शन आणि मित्रांच्या सहकार्याला दिले आहे. देशसेवेसाठी सज्ज झालेल्या सागरच्या पुढील वाटचालीसाठी सर्वत्र शुभेच्छा व्यक्त होत आहेत.
कोणत्याही टिप्पण्या नाहीत:
टिप्पणी पोस्ट करा