अमळनेर प्रतिनिधी : स्कुटीवरून जाणाऱ्या व्यापाऱ्याच्या डोळ्यात मिरची पावडर फेकून त्याच्याकडील साडे पाच लाख रुपयांची रोकड असलेली पिशवी अज्ञात चोरट्यांनी लंपास केल्याची घटना २५ रोजी सकाळी पिंपळे रस्त्यावर घडली.
बाजार समितीतील व्यापारी यतीन कोठारी हे आपल्या स्कुटीवरून पिंपळे रस्त्यावरील लामा जीनकडे जात असताना तीन अज्ञात इसम मोटरसायकलवर आले. तिघांच्या तोंडाला मास्क बांधलेले होते. त्यांनी प्रथम कोठारी यांचा चष्मा काढून खाली फेकला व त्यानंतर त्यांच्या डोळ्यात मिरची पावडर टाकली. याच क्षणी कोठारी यांच्याकडील साडे पाच लाख रुपयांची पिशवी खाली पडली. ती पिशवी उचलून तिन्ही चोरटे मोटरसायकलवरून घटनास्थळावरून फरार झाले.
या घटनेची माहिती व्यापाऱ्याने तात्काळ पोलिसांना तोंडी दिल्यानंतर पोलीस निरीक्षक दत्तात्रय निकम यांनी आरोपींच्या शोधासाठी पथक रवाना केले आहे.
दरम्यान, या घटनेबाबत अद्याप अधिकृत गुन्हा दाखल करण्यात आलेला नाही.
कोणत्याही टिप्पण्या नाहीत:
टिप्पणी पोस्ट करा