शिरपूर प्रतिनिधी:- शिरपूर–वरवाडे नगरपरिषदेच्या विकासकामांची पाहणी करण्यासाठी सोनगढ (जि. गुजरात) येथील नगराध्यक्षा सौ. सारिका ताई सचिन पाटील व त्यांच्या सोबत आलेली नगरसेवकांची टीम शिरपूर येथे दाखल झाली होती. या पाहणी दौऱ्यात शहरातील विविध विकासकामांची प्रत्यक्ष पाहणी करण्यात आली. या भेटीदरम्यान घडलेला एक साधा, पण अत्यंत अर्थपूर्ण प्रसंग उपस्थित सर्वांनाच भावूक करून गेला. शिरपूर येथील एका सामान्य महिलेने आपल्या रोजच्या अनुभवातून शहरातील विकासकामांविषयी जे शब्द बोलले, ते केवळ शब्द नव्हते, तर शिरपूर–वरवाडे नगरपरिषदेच्या विकासाची जिवंत साक्ष होती.“जेव्हा विकास केवळ कागदावर न राहता नागरिकांच्या आयुष्यात उतरतो, तेव्हा तो सामान्य माणसाच्या ओठांवर आपोआप व्यक्त होतो,” हे या प्रसंगातून अधोरेखित झाले. त्या महिलेने व्यक्त केलेला विश्वास, समाधान आणि आपुलकी ही शिरपूर–वरवाडे नगरपरिषदेने केलेल्या कामांचे खरे यश असल्याची भावना उपस्थितांनी व्यक्त केली.
हा विश्वास उभा राहिला आहे आदरणीय आमदार श्री अमरीशभाई पटेल यांच्या दूरदृष्टीतून, माजी नगराध्यक्ष आदरणीय श्री भूपेशभाई पटेल यांच्या मार्गदर्शनातून आणि विद्यमान नगराध्यक्ष मा. श्री चिंतनभाई पटेल यांच्या सहकार्याने झालेल्या सातत्यपूर्ण विकासकामांमुळे. जेव्हा एका शहराचा विकास इतर राज्यांतील लोकप्रतिनिधींना पाहणीस भाग पाडतो आणि त्या विकासाबद्दल बोलणारी व्यक्ती एखादा नेता नसून एक सामान्य महिला असते, तेव्हा हा विकास योग्य दिशेने चालला आहे, हे स्पष्ट होते.
शिरपूर–वरवाडे नगरपरिषदेचा हा प्रवास केवळ विकासाचा नसून तो विश्वासाचा, स्वाभिमानाचा आणि आपल्या शहरावर प्रेम करणाऱ्या प्रत्येक नागरिकाचा आहे. असाच भावनिक, लोकाभिमुख आणि ठाम विकास शिरपूर–वरवाडे नगरपरिषदेची ओळख ठरो आणि प्रत्येक शिरपूरकराच्या चेहऱ्यावर अभिमानाचे हास्य उमटत राहो, अशी भावना या दौऱ्याच्या निमित्ताने व्यक्त करण्यात आली.
कोणत्याही टिप्पण्या नाहीत:
टिप्पणी पोस्ट करा