धुळे प्रतिनिधी:- धुळे येथे नुकत्याच पार पडलेल्या सब ज्युनिअर अॅथलेटिक्स अजिंक्यपद स्पर्धा २०२६ मध्ये अवघ्या ७ वर्षांच्या अश्वती पाटील हिने वीजेच्या वेगाने मैदान गाजवले. विविध धावण्याच्या स्पर्धांमध्ये तिने ३ सुवर्णपदके पटकावत ‘बेस्ट अॅथलेटिक्स अवार्ड’ मिळवून जिल्ह्यातील सर्वात कमी वयाची जलद धावपटू म्हणून आपले नाव कोरले.पोदार
इंटरनॅशनल स्कूल, धुळे येथील इयत्ता पहिलीत शिकणारी अश्वती दररोज कठोर सराव करत असून, तिच्या मेहनतीचा प्रत्यय स्पर्धेच्या मैदानावर स्पष्ट दिसून आला.
अश्वतीचे वडील कृष्णा पाटील व आई छाया पाटील हे धुळे तालुका पोलीस ठाण्यात पी.एस.आय. पदावर कार्यरत असून त्यांनी मुलीच्या क्रीडा वाटचालीला सुरुवातीपासूनच भक्कम पाठबळ दिले आहे.
या दणदणीत यशामुळे अश्वतीची सब ज्युनिअर राज्यस्तरीय स्पर्धेसाठी निवड झाली असून, कमी वयात मिळवलेले हे यश आजच्या तरुण पिढीसाठी प्रेरणास्थान ठरत आहे. तिच्या या सुवर्णयशाबद्दल शाळा, क्रीडा प्रशिक्षक व जिल्ह्यातील नागरिकांकडून अभिनंदनाचा वर्षाव होत आहे.
🏅 अश्वतीची घवघवीत कामगिरी (वयोगट : ८ वर्षांखालील)
🔹 १०० मीटर धाव – सुवर्णपदक
🔹 ५० मीटर धाव – सुवर्णपदक
🔹 ब्रॉड जंप – सुवर्णपदक
🔹 ‘बेस्ट अॅथलेटिक्स अवार्ड – २०२६’ विजेती
कोणत्याही टिप्पण्या नाहीत:
टिप्पणी पोस्ट करा