बापू चव्हाण दिंडोरी :-
दिंडोरी तालुक्यातील पालखेड कॉलनी येथील शेतकरी चंद्रकांत सोनवणे यांच्या घराजवळ बांधलेल्या वासरीवर बिबट्याने आज बुधवार दि.१ एप्रिल रोजी पहाटेच्या सुमारास हल्ला करून वासरीला मारून टाकल्याने शेतकऱ्यांमध्ये भीतीचे वातावरण निर्माण झाले आहे.
त्यामुळे सामाजिक कार्यकर्ते बापू (तात्या) चव्हाण यांनी वन विभागाशी संपर्क साधून या वासरीचा पंचनामा करून आर्थिक मदतीची मागणी केली आहे. याबाबत वनविभागाचे पदाधिकारी कर्मचारी यांनी त्वरित दखल घेऊन या वासरीचा पंचनामा करून या परिसरात तात्काळ पिंजरा लावण्यात आल्याने सामाजिक कार्यकर्ते बापू (तात्या) चव्हाण व येथील शेतकऱ्यांनी व नागरिकांनी समाधान व्यक्त केले आहे.यावेळी वन विभागाचे वनरक्षक योगेश दळवी, वाहन चालक बापू शिरसाठ,सचिन गांगोडे,कुशाल गांगुर्डे,यांच्यासह पिंटू सोनवणे व ग्रामस्थ उपस्थित होते.
कोणत्याही टिप्पण्या नाहीत:
टिप्पणी पोस्ट करा