बापू चव्हाण दिंडोरी
दिंडोरी तालुक्यातील चिंचखेड येथे सालाबाद प्रमाणे याही वर्षी श्री कानिफनाथ महाराज उत्सव ओम चैतन्य गोरक्षनाथ प्रकट दिन निमित्ताने दोन दिवसीय यात्रोत्सवाचे नियोजन करण्यात आले आहे. या संदर्भात चिंचखेड कानिफनाथ मित्र मंडळाचे अध्यक्ष विश्वनाथ झेंडफळे यांनी माहिती दिली आहे.
सोमवार १३ एप्रिल रोजी सकाळी ९ ते ११ वाजता चिंचखेड गावात कानिफनाथ पालखीची मिरवणूक काढण्यात येणार आहे. तसेच दुपारी बारा वाजता पाद्य पूजा होम हवन व महाआरती, तसेच रात्री ९ ते ११ या वेळेत ह.भ.प.निवृत्ती महाराज देशमुख इंदुरीकर यांचे जाहीर हरिकीर्तन होणार आहे. मंगळवार १४ एप्रिल रोजी सकाळी ९ ते ११ ह.भ.प रमेश महाराज सोनवणे उंबरखेड यांचे काल्याचे किर्तन होणार आहे तसेच दुपारी बारा ते पाच वाजेपर्यंत महाप्रसादाचे आयोजन करण्यात आले आहे. आणि रात्री ८ ते १० वा. शाहीर किसन पीठे चापडगावकर यांचे नाथभक्तीपर गायन व रहाडी कार्यक्रम संपन्न होणार आहे.
यात्रोत्सवाचा चिंचखेड तसेच पंचक्रोशीतील भाविक भक्तांनी लाभ घ्यावा असे आवाहन चिंचखेड कानिफनाथ महाराज मंडळाचे अध्यक्ष विश्वनाथ झेंडफळे,यांच्यासह मंदिर कमिटीने केले आहे..
कोणत्याही टिप्पण्या नाहीत:
टिप्पणी पोस्ट करा