शिंदखेडा प्रतिनिधी शहरातील कॉंग्रेसचे माजी उपनगराध्यक्ष उल्हास देशमुख, जनता विद्याप्रसारक संस्थेचे अध्यक्ष मनोहर पाटील, माजी नगरसेवक सुरज देसले, राष्ट्रवादीच्या महिला जिल्हा उपाध्यक्षा कलावती माळी, राष्ट्रवादीचे माजी शहराध्यक्ष विजय महाले, माजी प स सदस्य राजेंद्र पहाडी यांच्यासह कॉंग्रेस व राष्ट्रवादीचे अनेक पदाधिकारी व असंख्य कार्यकर्त्यांनी भारतीय जनता पक्षात प्रवेश केला आहे.
यावेळी भाजपाचे जिल्हाध्यक्ष बबन चौधरी, कामराज निकम, बाजार समितीचे सभापती नारायण पाटील, साक्री बाजार समितीचे सभापती पोपटराव सोनवणे, मराठा क्रांती मोर्चाचे मनोज मोरे, भाजपाचे तालुकाध्यक्ष नथा पाटील, संजीवनीताई सिसोदे, संजय संघवी, सुभाष माळी, भिला माळी, युवराज माळी, माजी उपनगराध्यक्ष प्रकाश देसले, अशोक देसले, यांच्यासह भाजपाचे पदाधिकारी, सर्व नगरसेवक उपस्थित होते.
माजी उपनगराध्यक्ष उल्हास देशमुख हे माजी प स सभापती व शिंदखेडा शहरातील कॉंग्रेसचे प्रमुख नेते सुरेश देसले यांचे भाचे आहेत. देशमुख यांच्या आई मालती देशमुख या नगरपंचायत निवडणुकीत कॉंग्रेसच्या नगराध्यक्ष पदाच्या उमेदवार होत्या. तसेच मनोहर पाटील हे कॉंग्रेस नगरसेविका मीराबाई पाटील यांचे पती आहेत.
कोणत्याही टिप्पण्या नाहीत:
टिप्पणी पोस्ट करा