कुरखळी प्रतिनिधी - योगेश्वर मोरे
येथील जिल्हा परिषद शाळेत विद्यार्थ्यांनी गोपाळकाल्याचे औचित्य साधत अक्षरकार्ड, शब्दकार्ड संख्याकार्ड , प्रश्नावली, चॉकलेटने भरलेली दहीहंडी फोडून अनोख्या पद्धतीने दही हंडी उत्सव साजरा केला. पारंपरिक संस्कृतीचे जतन करत उत्सवाचा आनंद घेत ज्ञानार्जन करून उत्सव साजरा करण्यात आला. वेगळ्या पद्धत्तीने दहीहंडी साजरी केल्यामुळे विद्यार्थ्यांनीही चांगलीच मजा लुटली.
शाळेतील शिक्षिका योगिता नेरकर यांच्या कल्पनेतून व मुख्याध्यापक रघुनाथ गित्ते यांच्या मार्गदर्शनाखाली हा अनोखा उपक्रम साजरा करण्यात आला.
यावेळी सावळदे केंद्रप्रमुख एम बी देवरे साहेबांनी बालगोपालांना पाचशे रुपयाचे रोख बक्षीस दिले.
शाळेत नेहमीच गावकरी व समितीच्या सहभागाने असे सहशालेय उपक्रम राबवले जात असतात त्यात वनभोजन, क्षेत्र भेट, शेतीकामे प्रात्यक्षिक, गावातील घरगुती छोटे व्यवसाय माहिती इत्यादी.
यासाठी शाळा व्यवस्थापन समितीचे अध्यक्ष आत्माराम कोळी, शिक्षणतज्ज्ञ सदस्य पोपटराव शिरसाठ, जि प मराठी शाळेचे शिक्षक व सर्वांचे मार्गदर्शक ज्ञानेश्वर माळी सर यांचेही सहकार्य लाभले.
याप्रसंगी कुरखळी ग्रामस्थ, अंगणवाडी शिक्षिका, मदतनीस व आशा सेविका उपस्थित होत्या.
कोणत्याही टिप्पण्या नाहीत:
टिप्पणी पोस्ट करा