प्रतिनिधी चोपडा विनोद निकम
तालुक्यातील वेळोदे शिवारातील विपीन वल्लभदास गुजराथी यांचा मालकीचे शेत साहेबराव केशव बागुल हे करीत असलेल्या शेतात मृत अवस्थेत बिबट्या आढळल्याची घटना १२ रोजी घडली होती.
त्यावेळी बिबट्या हा काहीतरी विषारी पदार्थ खाऊन मयत झाल्याची माहिती वनविभागाने दिली होती,त्या घटनेत आज दुसरा खुलासा झाल्याची माहिती वनविभागाचे सहा.वनसंरक्षक व्ही. एच. पवार यांनी दिली आहे.
व्ही एच पवार यांनी सांगितले की,वेळोदे येथील रहिवासी असलेले सुनिल धरमसिंग पावरा(२८)यानेच आपली वासरी मयत झाली आणि तिला वन्यजीव प्राण्यांनेच मारले म्हणून मेलेल्या वासरीच्या अंगावर थायमेट हे विषारी पदार्थ टाकले होते ते खाऊन हा बिबट्या मयत झाला अशी कबुली स्वतः सुनील पावरा याने
वनविभागाच्या अधिकाऱ्यांना दिली आहे.
या प्रकरणी संशयित आरोपी म्हणून वनविभागाने त्याला ताब्यात घेतले असून दि १५ रोजी चोपडा न्यायालयात हजर करण्यात येणार आहे.
त्यामुळे बिबट्याचा खूनच झाला आहे हे यावरून सिद्ध होते.यात सहायक वनसंरक्षक व्ही.एच.पवार, वनक्षेत्रपाल पी.बी.पाटील,पुढील तपास करीत आहेत.
कोणत्याही टिप्पण्या नाहीत:
टिप्पणी पोस्ट करा