चोपडा:-(प्रतिनिधी) विनोद निकम
तालुक्यातील अकुलखेडा येथील निकिता दिलीप धनगर(१८) ही दि १ रोजी सकाळी ९.३० च्या सुमारास नळाला पाणी आले असता ते भरून धुनी भांडी करून झाल्यावर मोटर बंद करायला गेली असता तिथेच तिला शॉक लागून दुर्दैवी मृत्यू झाला.
याबाबत सविस्तर वृत्त असे की तालुक्यातील अकुलखेडा येथे ९.३० वाजेच्या सुमारास नेहमीप्रमाणे घरातील पाणी भरून झाल्यानंतर निकिता दिलीप धनगर (१८) हिने पाण्याची मोटर बंद करून पिन काढत असताना अचानक तिला विजेचा जोरदार शॉक लागला. विजेच्या धक्क्याने निकिताचा जागीच मृत्यू झाला.ती चहार्डी येथील शामराव शिवराम पाटील विद्यालयात ११वीला कला शाखेत शिक्षण घेत होती.या घटनेबद्दल गावात हळहळ व्यक्त होत आहे.ती राज्य परिवहन महामंडळाचे चालक दिलीप धनगर यांची मुलगी होती.तिच्या पश्चात आई,वडील,तीन बहिणी व भाऊ असा परिवार आहे.पुढील तपास चोपडा शहर पोलीस स्टे चे पो ना मधुकर पवार करीत आहेत.
कोणत्याही टिप्पण्या नाहीत:
टिप्पणी पोस्ट करा