पुणे प्रतिनिधी - निखिल राजपूत
आर्वी - येथील डोंगरे मळ्यात, आज, ग्रामीण कृषि कार्यानुभव' कार्यक्रमा अंतर्गत कृषि महाविद्यालय, पुणे येथून आलेल्या कृषिदूतांनी, शेतकऱ्यांना सेंद्रीय ख़त निर्मितिच्या 'व्हर्मी कम्पोस्ट' या पद्धतीची माहिती दिली. त्यांनी कम्पोस्टिंगची पद्धत व त्याचे फायदे चार्ट द्वारे समजावले. पिकांचे अवशेष, पलापचोळा, शेण, गोठ्यातील सरव, इ. सेंद्रिय पदार्थांपासून गांडूळांच्या मदतीने उत्तम प्रकारचे खत व्हर्मी
कम्पोस्टींग ने ६०-१०० दिवसात तयार करता येते, असे यावेळी कृषीदुतांनी सांगितले. तयार होणाऱ्या खातातून २.२% नत्र, १.६% स्फुरद व ०.८% पालाश मिळते असेही त्यांनी सांगितले. ''घरगुती सेंद्रिय पदार्थांपासून व्हर्मी कम्पोस्टींगने खत तयार करणे सोप्पे असून त्याने रासायनिक खातांवरील होणारा अवाढव्य खर्च कमी होऊ शकतो तसेच जमिनीची निगा देखील राखली जाऊ शकते'' असे गावातील एक प्रगतशील शेतकरी अशोक डोंगरे यावेळी म्हणाले.
यावेळी शुभम करपे, आकाश साबळे, ऋषीकेश काळे, राघव रेड्डी व गौरव पाटील या कृषि दूतांनी मार्गदर्शन केले.
कोणत्याही टिप्पण्या नाहीत:
टिप्पणी पोस्ट करा