प्रतिनिधी विशाल डुकरे: उस्मानाबाद जिल्ह्यातील तुळजापूर विधानसभा मतदारसंघातून विधानसभा निवडणूक लढण्यासाठी रोहन देशमुख यांनी मागील पाच वर्षांपासून तयारी केली होती. यासाठी त्यांनी दांडगा जनसंपर्क ठेऊन, विविध विकास कामांसाठी पाठपुरावा करून लाखोंचा निधी देखील विधानसभा क्षेत्रासाठी आणला.
भाजप शिवसेना युती घोषणा झाली, उमेदवारांची यादी जाहीर झाली आणि तुळजापूर विधानसभेची उमेदवारी राष्ट्रवादी काँग्रेसमधून नुकतेच भाजपमध्ये प्रवेश केलेल्या राणा जगजितसिंह पाटील यांना देण्यात आली आहे. यामुळे रोहन देशमुख काय निर्णय घेणार ? त्यांचा पाठिंबा राणाजगजीतसिंह पाटील यांना असणार का ? यासर्व विषयावर आता चर्चा होत आहे. तुळजापूर विधानसभा मतदारसंघ निवडणुकीतील आपली भूमिका स्पष्ट करण्यासाठी ४ ऑक्टोबर रोजी, सकाळी १० वाजता, तुळजाभवानी पुजारी मंडळ कार्यालय, तुळजापूर येथे मेळाव्यातून रोहन देशमुख आपल्या समर्थकांशी संवाद साधणार आहेत, त्यानंतर ते आपली भूमिका स्पष्ट करणार आहेत.
कोणत्याही टिप्पण्या नाहीत:
टिप्पणी पोस्ट करा