शिरपूर:प्रतिनिधी:धुळे येथे श्री विले पार्ले केळवणी मंडळ संचलित एस.व्ही.के.एम. सीबीएसई स्कूल मध्ये शुक्रवारी दि. 24 जानेवारी रोजी “स्वप्न” या थीम वर आधारित सांस्कृतिक कार्यक्रम मोठया दिमाखदार स्वरुपात संपन्न होत आहे.
कार्यक्रमाचे मुख्य आकर्षण "तारक मेहता का उलटा चष्मा" या प्रसिद्ध मालिकेतील सुप्रसिद्ध कलाकार जेठालाल उर्फ दिलीप जोशी यांची उपस्थिती राहील.
सुप्रसिद्ध कलाकार जेठालाल उर्फ दिलीप जोशी हे शुक्रवार दि. 24 जानेवारी रोजी मुंबई येथून इंदूर विमानतळावरील येतील. तेथून कारने प्रवास करून शिरपूर येथे त्यांचे प्रस्थान होईल. माजी मंत्री अमरिशभाई पटेल व भूपेशभाई पटेल यांच्याशी मैत्रिपूर्ण संबंध असल्याने जेठालाल हे शिरपूर येथे येत आहेत. शिरपूर येथील आर. सी. पटेल शैक्षणिक संस्था व एस. व्ही. के. एम. संस्थेला सदिच्छा भेट देवून पाहणी करतील. त्यानंतर ते धुळे येथे एस. व्ही. के. एम. सीबीएसई स्कूल च्या सांस्कृतिक कार्यक्रमाला सायंकाळी 6 वाजता उपस्थिती देतील.
सुंदर वेशभूषा, नटून थटून आलेले बालकलाकार, भव्य रंगमंच, अप्रतिम लाईटींग व्यवस्था, अतिशय सुंदर बैठक व्यवस्था, पालकांची ठेवलेली सन्मानपूर्वक व्यवस्था........अशा सर्व सुनियोजित व्यवस्था व कार्यक्रमामुळे सर्वांचे डोळयांचे पारणे फिटेल असा कार्यक्रम संपन्न होणार आहे.
श्री विलेपार्ले केळवणी मंडळ संस्थेचे अध्यक्ष आमदार अमरिशभाई पटेल, सह-अध्यक्ष भुपेशभाई पटेल यांच्या मार्गदर्शनाखाली कार्यक्रमाचे आयोजन करण्यात येत आहे.
कार्यक्रमाच्या आयोजनासाठी मुख्याध्यापिका सौ. सुनंदा मेनन, सर्व शिक्षक व शिक्षकेतर कर्मचारी प्रयत्नशील आहेत.
कोणत्याही टिप्पण्या नाहीत:
टिप्पणी पोस्ट करा