BY ऑनलाईन तरुण गर्जना
२५ जानेवारी
२०२०
पंकज पाटील (उपसंपादक)
- सरपंच यांच्यावर कर्तव्यात कसूर केल्याप्रकरणी अपात्रतेची कारवाई
- ग्रामसेवक यांच्यावर शिस्तभंग कार्यवाही करण्याचा इशारा .
अमळनेर तालुक्यात
स्वच्छ भारत मिशन अंतर्गत १ डिसेंबर २०१९ पासून हागणदारी मुक्त अमळनेर अभियान राबविण्यात
येत आहे .अमळनेर तालुक्यात हे अभियान राबविण्यासाठी तालुक्याचे गटविकास अधिकारी
जीव तोड मेहनत करत असून त्यांच्या या अभियानाचे तीन तेरा करण्याचे काम तालुक्यातील
काही ग्रामपंचायती करत असल्याचे त्यांच्या लक्षात आले आहे.
तालुक्यातील जुनोने , पातोंडा ,निम ,तरवाडे ,ढेकू सीम या
गावांतील सरपंच ,ग्रामसेवक हे वरिष्ठांच्या आदेशाचे पालन न करता नियमांची
पायमल्ली करत असल्याचे गटविकास अधिकारी
यांच्या लक्षात आले आहे. तालुक्यातील सर्व गावांना स्वच्छ भारत अभियान अंतर्गत शौचालयांसाठी अनुदान
देवून देखील सार्वजनिक जागेवर लोक उघड्यावर बसलेले गटविकास अधिकारी यांना आढळून
आलेत .त्यानुषंगाने त्यांनी जुनोने, पातोंडा ,निम ,तरवाडे ,ढेकू सीम येथील सरपंच यांच्यावर
ग्रामपंचायत अधिनियम कलम ३९ (१) नुसार व ग्रामसेवक यांच्यावर
महाराष्ट्र जिल्हा सेवा व शिस्त अपील १९६४ चे कलम ३ अंतर्गत शिस्तभंग विषयक
कारवाई करण्याचा इशारा दिला आहे . येत्या तीन दिवसांत येथील सरपंच व ग्रामसेवक यांनी
उघड्यावर शौचालयाला बसणाऱ्यांचा पायबंद न केल्यास कारवाईला सामोरे जाण्याची ताकीद
दिली आहे.
तालुक्यात गटविकास
अधिकारी यांनी आतापर्यंत १०५ लोटाबहाद्दर
यांच्यावर गुन्हा दाखल केला आहे. अमळनेर
तालुक्यात प्रथमच असा कर्तव्यदक्ष व ध्येयाने प्रेरित गटविकास अधिकारी लाभला असून
त्यांच्या या धडाकेबाज कार्यवाहीने त्यांच्याच काही हलगर्जी कर्मचा-यांना धडकी भरली आहे. तर स्थानिक आमदार
यांच्याकडून त्यांचे कौतुक होत आहे.
कोणत्याही टिप्पण्या नाहीत:
टिप्पणी पोस्ट करा