मुंबई:प्रतिनिधी:मराठ्यांनी काय करावं ते पवारांच्या कुत्र्याने सांगू नये, अशा शब्दांत भाजप नेते निलेश राणे यांनी शिवसेना नेते आणि खासदार संजय राऊत यांच्यावर जोरदार टीकास्त्र सोडलं आहे. त्यांनी या संदर्भात एक ट्विट केलं आहे.
महाराष्ट्रातील जनता बोलतेय, छत्रपतींच्या गादीच्या वारसदारांनी बोललंच पाहिजे.
छत्रपती शिवाजी महाराजांच्या वारसदारांनी भाजपमधून राजीनामे द्यावे, असं म्हणत संजय राऊत यांनी ‘आज के शिवाजी नरेंद्र मोदी’ या पुस्तकावरुन सुरु असलेल्या वादावर भाष्य केलं होतं. यावरूनच निलेश राणे यांनी संजय राऊतांवर निशाणा साधला आहे.
जेव्हा जेव्हा मराठ्यांच्या भावना दुखवल्या तेव्हा तो आगीत तेल ओतायला येतोच. कोणीही गोयलचं समर्थन केलेलं नाही पण ह्याला मराठ्यांमध्ये भानगडी लावायच्या आहेत, अशी टीका निलेश राणे यांनी राऊतांवर केली आहे.
दरम्यान, राणे कुटुंब आणि शिनसेनेमधील वाद सर्वांना माहिती आहे. त्यामुळे शिवसेनेकडून निलेश यांच्या टीकेला काय उत्तर दिलं जातं हे पाहणं महत्वाचं ठरणार आहे.
कोणत्याही टिप्पण्या नाहीत:
टिप्पणी पोस्ट करा