मोठा वाघोदा ता.रावेर मोठा वाघोदा येथील रहिवासी प्रविण कल्पना सुभाष वानखेडे या तरुणाचे येत्या 28 फेब्रुवारीला "जिप्सीनामा" हे पुस्तक प्रकाशित होत आहे. अत्यंत हलाखीच्या परिस्थितीतुन आपले शिक्षण पूर्ण करून त्याने आपले हे स्वप्न पूर्ण केले आहे. त्याने आपले मास्टर्स इन डेवलोपमेंट अजीम प्रेमजी विश्वविद्यालय बंगलोर येथून पूर्ण केले असून तो सध्या बिहारमधील लखीसराय जिल्ह्यात कार्यरत आहे.
“जिप्सीनामा” हे हिंदी कथा संग्रह असून त्याला त्याच्या प्रवासात भेटलेल्या व्यक्तींविषयी यात सत्यकथा चितारल्या आहेत. ज्या सामाजिक असमतोल, सामाजिक समस्या, जसे की भूक, शेतकरी आत्महत्या, मानसिक दडपण, दुष्काळ आदींविषयी आपणास ग्रामीण भारत आणि त्यात होरपळून निघालेल्या व्यक्तींविषयी माहिती देण्यास व त्यांचे जीवन क्षणभर का होईना जगण्यास मदत करतील.
यासोबतच काही दिवसांपूर्वी प्रविणला नॅशनल जिओग्राफिक सोसायटीचा सर्टिफाइड एज्युकेटर चा बॅच मिळाला असून भविष्यात नॅशनल जिओग्राफी सोबत काम करण्याची संधी मिळणार आहे. गरीब व हलाखीच्या परिस्थितीतून शिक्षण घेऊन अभिमानास्पद कार्य केल्याने मोठा वाघोदा येथील सर्वधर्मीय गावकऱ्यांतर्फे त्याचे कौतुक होत आहे.
"जिप्सीनामा" हे सध्या प्री-ऑर्डरसाठी ऑनलाईन उपलब्ध असून आपण www.bookscamel.com या वेबसाईटवर जाऊन ते विकत घेऊ शकता. यासोबतच 28 फेब्रुवारीपासून हे पुस्तक अमेझॉन, फ्लिपकार्ट आणि इतर आंतरराष्ट्रीय संकेतस्थळावर उपलब्ध होणार आहे.
जर आपणास पुस्तक मागवायचे असेल तर कृपया पंकज गुरव, जळगाव 9765707758 यावर आपण संपर्क करू शकता.
कोणत्याही टिप्पण्या नाहीत:
टिप्पणी पोस्ट करा