तरुण गर्जनाचा उत्कृष्ट लेखणी व बातमी पुरस्कार दहिवदचे पंकज पाटील यांना प्रदान ..

शिवाजी पारधी  : अमळनेर  तरूण गर्जनाचे उपसंपादक पंकज पाटील यांना उत्कृष्ट लेखणी व बातमी यासाठी तरुण गर्जनाचे मुख्य संपादक श्री .संतोष भोई व संपादक श्री. सुभाष भोई यांनी सन्मान पत्र देवून सन्मानीत  केले .

पंकज पाटील हे प्राथमिक जिवनात सामना या लोकप्रिय दैनिकाचे प्रतिनिधी होते . त्यांनी आतापर्यंत हजारो झाडे दहिवद गावी जगवली असून त्यांना वृक्षमित्र पुरस्काराने सन्मानित करण्यात आले आहे.रेशन भ्रष्टाचार करणाऱ्या रेशन दुकानदार ,अधिकारी,कर्मचारी यांचे ते कर्दनकाळ असून आतापर्यंत जळगांव जिल्ह्यातील १२ रेशन दुकानांचा परवाना रद्द करण्याकामी त्यांनी पुढाकार घेतला आहे. अत्यंत  भेदक लेखन ही  त्यांची खासियत आहे. राजकारण ,खेळ,समाजकारण  यावर पंकज पाटील उत्तम प्रकारे विश्लेषण करून लेखन करतात.चांगल्या कामाची स्तुती तर कमतरतेवर व अन्यायावर वर्मी घाव घालणारे लिखाण ते करतात .

विधानसभा निवडणुकीत उपसंपादक तरुण गर्जना पंकज पाटील यांनी "राष्ट्रवादी कांग्रेस पक्षाच्या सभेत ...रेकॉर्ड ब्रेक गर्दी ” ही बातमी प्रसारीत केली होती .डिजिटल युगाच्या जगात वेब दुनियेत तालुका पातळीवर  २४ तासात सर्वात जास्त view या बातमीला मिळाले होते ही बातमी १७ हजार लोकांनी २४ तासात पाहिली व  ४०९ लोकांनी शेर  केली  . तालुका पातळीवरील वेब दुनियेतील  व ब्लॉग विश्वातील हा एक इतिहास होता . त्यांच्या या बातमीचे कौतुक थेट गल्ली ते दिल्ली राष्ट्रवादी पक्षाचे  कार्यकर्ते व समाज बांधव यांनी केले.या उत्कृष्ट पत्रकारीतेची  दखल घेत तरुण गर्जनाचे मुख्य संपादक श्री .संतोष भोई व संपादक श्री. सुभाष भोई यांनी सन्मान पत्र देवून पंकज उर्फ श्यामकांत जयवंतराव पाटील यांचा  सत्कार केला .यावेळी तरुण गर्जना टीमचे प्रतिनिधी उपस्थित होते .