धुळे:प्रतिनिधी:देशातील सर्व सरकारी बँका आज आणि उद्या संपावर गेल्या असुन. वेतन सुधारणेच्या प्रलंबित मागणीवर कोणतीही सहमती झाली नाही. त्यामुळे संपाचा निर्णय घेण्यात आला आहे.
त्यामुळे आज आणि उद्या सरकारी बँका बंद राहणार आहेत. याशिवाय संपाला जोडून रविवारची सुटी असल्यानं सलग तीन दिवस बँकांचे व्यवहार कोलमडण्याची चिन्हे आहेत.
तसेच. उद्या,चौथा शनिवार असल्यामुळे बँकांना सुट्टी असते तर रविवार आणि सोमवारी ईदनिमित्त सर्वच बँकांना सुट्टी राहणार आहे. त्यामुळे लोकांना पैसे काढण्यासाठी पुर्णपणे एटीएमवर अवलंबून राहावं लागणार आहे. इतक्या मोठ्या प्रमाणात भार पडल्याने एटीएममधील पैसे संपून तुटवडा निर्माण होण्याची शक्यता आहे.
वेतनवाढ, पाच दिवसांचा आठवडा यांसह विविध मागण्यांसाठी युनायटेड फोरम ऑफ बँक युनियन्सने दोनदिवसीय बंद पुकारला आहे. शहरातील जवळपास सर्व सरकारी बँकांचे कर्मचारी संपात सहभागी झाले असुन. तीन दिवस बँक बंद राहिल्यास धुळे शहरात जवळपास हजारो कोटींचे व्यवहार ठप्प पडणार आहेत.
दरम्यान, वेतनवाढीच्या मागणीबाबत भारतीय बँक महासंघ अर्थात आयबीए या बँक व्यवस्थापनाचे प्रतिनिधित्व करणाऱ्या मंडळाशी वाटाघाटी असफल झाल्याने बँक कर्मचाऱ्यांचा देशव्यापी संप पुकारला आहे. संपाच्या काळात ग्राहकांना केवळ ऑनलाईन बँकिंगची सुविधा उपलब्ध असेल. या अनुषंगाने शहरातील एसबीआय बँके जवळ कर्मचारी व अधिकारी यांनी आंदोलन करण्यात आले.
यावेळी संजय सिंग गिरासे, राजेंद्र चव्हाण, नरेंद्र वडनेरे, हेमंत कुलकर्णी, लक्ष्मीकांत जोशी, आनंदा सोनवणे, शिवाजी भामरे, दिपक राव, सचिन येवले, मोहन महाले, प्रमोद वेल्हाणकर, दिवाकर बडगुजर, राजेंद्र चव्हाण, आदि उपस्थित होते
कोणत्याही टिप्पण्या नाहीत:
टिप्पणी पोस्ट करा