अमळनेर:प्रतिनिधी:अमळनेर रिडर्स असोसिएशन व पु. साने गुरुजी ग्रंथालयाच्या संयुक्त विद्यमाने दि. 21 रोजी या“वाचनसंध्या ”हा आगळावेगळा साहित्यिक कार्यक्रम अमळनेरात पहिल्यांदाच आयोजित करण्यात आला आहे . या ‛ वाचनसंध्या ’ कार्यक्रमात ‛ कथा अभिवाचन , साहित्य चर्चा व साहित्य प्रश्नमंजुषेची गुंफण असलेली वैचारिक मैफिल रसिकांसमोर सादर होणार आहे .
अमळनेर शहरातील सानेगुरुजी ग्रंथालयाच्या सभागृहात शुक्रवारी दि. 21 रोजी , दुपारी ठीक . ४ वाजता आयोजित या कार्यक्रमास सर्व अमळनेरकर रसिकांनी मोठ्या संख्येने उपस्थित रहावे , असे आवाहन आयोजक मेघागौरी घोडके, निखिल बैसाने, युवावक्ता सारांश सोनार, उदयकुमार खैरनार, स्वनिल चव्हाण, कृष्णा संदानशीव, भोजराज पाटील, गुंजन क्षीरसागर, विवेक अहिरे, योगेश संदानशिव, पूजा सुरसुरे , प्राजक्ता शुक्ला, कुणाल शिरुडकर , प्रशांत शिंदे , ज्योति वानखेड़े ,अमोल संदानशीव, हर्षदा पाटील, सोनिया भावसार, तन्मय पाटील आदी सदस्यांनी केले आहे .
अमळनेरातील पुस्तकप्रेमी मंडळींचा ‛ अमळनेर रिडर्स असोसिएशन ’ हा वैचारिक नाविन्यपूर्ण उपक्रम वर्षभरापासून सुरू आहे . याच माध्यमातून होणाऱ्या ह्या वाचनसंध्येला सर्व रसिकांनी मोठ्या संख्येने उपस्थित राहून व या उपक्रमात सहभागी होऊन वाचन चळवळीस पाठबळ द्यावे , असेही आवाहन सर्व आयोजकांनी करण्यात आले आहे .
कोणत्याही टिप्पण्या नाहीत:
टिप्पणी पोस्ट करा