संत गाडगेबाबांचे विचार आचरणात आणा - नगराध्यक्षा सौ.बूच
मुख्य मार्गाने संत गाडगेबाबा यांची मिरवणूक
शेगाव(तालुका प्रतिनिधी) आयुष्यभर समाज प्रबोधनाचे काम करून समाज घडविण्यासाठी रस्त्यावरचे जीवन जगणाऱ्या थोर महापुरुषां मध्ये संत गाडगेबाबा यांचे मोलाचे कार्य असून त्यांनी भुकेल्याना अन्न द्या, तहानलेल्याना पाणी द्या, हरपलेल्याना आधार द्या यासह विविध मोलाचे उपदेश दिले आहेत व आजच्या युगात या विचारांची समाजाला गरज असल्याने प्रत्येकाने संत गाडगेबाबा यांचे विचार आचरणात आणून समाजासाठी सत्कर्म करावे असे आवाहन संतनगरीच्या नगराध्यक्षा सौ.शकुंतलाताई पांडुरंग बूच यांनी केले आहे.
येथील वर्धमान भवन मध्ये २३ फेब्रुवारी रोजी धोबी परीट महासंघाच्या वतीने संत गाडगेबाबा यांची राज्यस्तरीय जयंती साजरी करन्यात आली यावेळी मंचावर कार्यक्रमाचे अध्यक्ष शालिग्राम कंधारकर हे तर प्रमुख उपस्थिती नगराध्यक्षा सौ.शकुंतलाताई बूच, तहसीलदार श्रीमती शिल्पाताई बोबडे, राष्ट्रीय कीर्तनकार ह.भ.प.सुशीलदादा वणवे, सामाजिक कार्यकर्ते कमलाकर चव्हाण, सा.बा. विभागाचे अभियंता किशोरकुमार मिश्रा, खिरोडा सरपंच गजानन कडूकार, सरपंच संतोष पळसकर, सौ.रेखा बावसकर यांची होती. सकाळी शहरातील मुख्य मार्गाने संत गाडगेबाबा यांची मिरवणूक काढण्यात आली त्यानंतर गाडगेबाबा चौकात महाराजांच्या पुतळ्याचे पूजन करण्यात आले आहे.
तसेच समाजातील विविध मान्यवरांचा सत्कार देखील यावेळी करण्यात आला असून याप्रसंगी धोबी परीट महासंघाचे सर्व पदाधिकारी व समाज बांधव उपस्थित होते. कार्यक्रमाचे संचालन धोबी परीट महासंघाचे संजय सुरळकर यांनी तर आभार महादेव इधोकार यांनी मानले.
कोणत्याही टिप्पण्या नाहीत:
टिप्पणी पोस्ट करा