शिरपूर:प्रतिनिधी:स्थानिक गुन्हे अन्वेषण शाखेचे तत्कालीन पोलिस निरीक्षक हेमंत पाटील यांची नियंत्रण कक्षातून शिरपूर शहर पोलिस ठाण्यात बदली करण्यात आली त्यांनी आपला पदभार सांभाळला आहे.
ध ु ळ् य ा त ी ल चाळीसगाव रोड व शंभर फुटी रस्त्यावर भारत बंद दरम्यान दोन गटात दंगल झाली होती. या दंगलीचा तपास करताना संशयित आरोपींचे निष्पक्षपणे अटकसत्र सुरु असताना वरिष्ठ पातळीवरुन राजकीय हालचाली झाल्यानंतर स्थानिक गुन्हे अन्वेषण शाखेचे पोलिस निरीक्षक हेमंत पाटील यांची नियंत्रण कक्षात बदली करण्यात आली होती. त्यांच्या जागेवर शिरपूर शहर पोलिस ठाण्याचे पोलिस निरीक्षक शिवाजी बुधवंत यांची नेमणूक करण्यात आली होती.
निरीक्षक बुधवंत यांनी शिरपूरचा पदभार सोडून गुन्हे शाखेचा पदभार स्वीकारल्यानंतर शिरपूर शहर पोलिस ठाण्याची जागा रिक्त झाली होती. तसेच या जागेवर अधिकार्यांमध्ये चुरस निर्माण झाली असताना निरीक्षक हेमंत पाटील यांची नेमणूक करण्यात आली आहे.
निरीक्षक पाटील हे काल पदभार स्वीकारला आहे. बदली झाल्याच्या वृत्ताला निरीक्षक पाटील यांनी स्वत: दुजोरा दिला आहे. गुन्हे शाखेत निरीक्षक हेमंत पाटलांची कामगिरी लक्षवेधी राहिली आहे.
कोणत्याही टिप्पण्या नाहीत:
टिप्पणी पोस्ट करा