धुळे:प्रतिनिधी:तक्रारदार यांचे वडील हे नियमित वयोमानानुसार सेवानिवृत्त झाले होते. त्यांच्या वडीलांचे ७ वा वेतन आयोगाचे फरकाची रक्कम मिळवण्या करिता गट विकास अधिकारी, पंचायत समिती, शिरपूर यांनी जिल्हा परिषद कार्यालय, धुळे येथील शिक्षण विभागात प्रस्ताव पाठविला असता. तेथील क्लार्क श्रीमती संगिता शिंपी, यांनी तकारदार यांच्या वडीलांचा ७ वा वेतन आयोगाचा फरक ४९,९३४/- रू. मंजुरीकरिता प्राप्त झाल्याचे संगणकावर दाखवुन, सदरचा प्रस्ताव मंजुरीसाठी कोषागार विभागास पाठविण्यासाठी फरकाचे रकमेतील ९३४/- रू. लाचेची मागणी करीत असल्याने तक्रारदार यांनी आज रोजी लाचलुचपत प्रतिबंधक विभाग,धुळे येथे तक्रार दिली होती.
सदर तक्रारींच्या अनुषंगाने आज रोजी पडताळणी केली असता पडताळणी दरम्यान महिला श्रीमती संगिता शिंपी यांनी तक्रारदार यांचे कडेस तडजोडी अंती ७००/रुपये लाचेची मागणी करुन आज रोजी जि.प. धुळे कार्यालयाच्या बाहेर दुचाकी पार्किंग जवळ पंच साक्षीदार समक्ष स्विकारले नंतर त्यांना रंगेहात पकडण्यात आले असून, धुळे शहर पोलीस स्टेशन येथे गुन्हा दाखल करण्याची प्रक्रिया सुरु आहे.
सदर लाचेची मागणी संदर्भाची कारवाई मा.पोलीस अधीक्षक श्री.सुनिल कडासने, नाशिक परिक्षेत्र, नाशिक, मा. अपर पोलीस अधीक्षक श्री. निलेश सोनवणे यांचे मार्गदर्शनाखाली पोलीस उप अधीक्षक सुनिल कुराडे, पोलीस निरीक्षक पोलीस निरीक्षक श्री.मनजितसिंग चव्हाण व पोलीस निरीक्षक श्री. प्रकाश झोडगे आणि त्यांच्या पथकातील पोहेकॉ/जयंत साळवे, संतोष हिरे, सुधीर सोनवणे, संदीप सरग, कृष्णकांत वाडीले, कैलास जोहरे, शरद काटके, प्रशांत चौधरी, भुषण खलाणेकर, संदीप कदम, प्रकाश सोनार, भुषण शेटे,व सुधीर मोरे अशांनी सदरची कारवाई
केलेली आहे
कोणत्याही टिप्पण्या नाहीत:
टिप्पणी पोस्ट करा