हिंगणघाट (वर्धा)प्रतिनिधी: नंदोरी मार्गावरील महालक्ष्मी किराणा दुकानासमोर एका तरूण शिक्षिकेला जिवंत जाळण्याचा प्रयत्न करण्यात आला. हे कृत्य एका माथेफिरू तरुणाने केल्याचे सांगण्यात येत आहे.
माथेफिरू तरूणाने शिक्षिकेच्या अंगावर पेट्रोल ओतून तिला पेटवून दिले. त्यात शिक्षिका गंभीर जखमी झाली असून तिच्यावर प्राथमिक उपचार करून पुढील उपचारासाठी नागपूरला हलविण्यात आले आहे. ही घटना सकाळी 7.30 वाजता नंदोरी चौकात घडली. दरम्यान, पोलीस घटनास्थळी दाखल झाले असून तपास सुरू आहे.
तसेच, या प्रकरणातील प्रमुख आरोपी विकेश नगराळे (रा. दारोडा) फरार झाला आहे. तर विकेश नगराळेसोबत अन्य दोन युवक असल्याची माहिती समोर येत आहे.
कोणत्याही टिप्पण्या नाहीत:
टिप्पणी पोस्ट करा