शिरपुर (प्रतिनिधी) भारतीय जनता पार्टी धुळे जिल्हाची बैठक दि.१४ फेब्रुवारी २०२० शुक्रवार रोजी सकाळी ११:०० वाजेला एस. व्ही. के. एम. (माजीमंत्री अमरिशभाई पटेल यांची) संस्था गुरुव्दारा मागे, मुंबई- आग्रा रोड धुळे या ठिकाणी होणार आहे. या जिल्हा बैठकीत भारतीय जनता पार्टी धुळे ग्रामिण जिल्हाध्यक्ष निवड होणार आहे.
जिल्हा निवडणुक निर्णय अधिकारी म्हणुन सुनिल बच्छाव हे उपस्थित राहाणार आहेत. माजी केंद्रीय राज्यमंत्री खा. डाॅ. सुभाष भामरे, राज्याचे माजी रोहयो मंत्री आ. जयकुमार रावल, राज्याचे माजी शालेय शिक्षणमंत्री अमरिशभाई पटेल, खा. डाॅ. हिनाताई गावीत, आ. काशीराम पावरा, भाजपा उत्तर महा. विभागीय संघटनमंत्री अॅड. किशोरजी काळकर, प्रदेश चिटणीस तथा जिल्हा प्रभारी लक्ष्मण सावजी, जिल्हाध्यक्ष बबनराव चौधरी, जि. प. अध्यक्ष तुषार रंधे, जि. प. उपाध्यक्षा सौ. कुसुमताई निकम आदी उपस्थित राहणार आहेत.
बैठकीस जिल्हातील प्रदेश सदस्य, विविध आघाडी, मोर्चा प्रदेश पदाधिकारी, जिल्हा पदाधिकारी, मंडळ अध्यक्ष, पदाधिकारी, जिल्हा परिषद सभापती, जि. प. सदस्य, पं. स. सभापती, उपसभापती, पं. स. सदस्य, नगराध्यक्षा, नगरसेवक, बुथ अध्यक्ष, सक्रीय सदस्य यांनी उपस्थित राहावे असे आवाहान जिल्हा संघटन सरचिटणीस तथा जिल्हा निवडणुक सहाय्यक अधिकारी किशोर सिंघवी, जिल्हा सरचिटणीस वसंतराव बच्छाव, कामराज निकम, अरुण धोबी यांनी केले आहे.
कोणत्याही टिप्पण्या नाहीत:
टिप्पणी पोस्ट करा