शेगाव:प्रतिनिधी:छत्रपती शिवाजी महाराजांचा अश्वारूढ व घटनाकार डॉ.बाबासाहेब आंबेडकर यांचा पुर्णाकृती पुतळा १०वाजता १९ फेब्रुवारी रोजी शिवरायांचा अश्वरूढ पुतळा नियोजित जागी स्थानापन्न करून लोकार्पण केले गेले.
नगराध्यक्षा सौ.शकुंतलाताई बुच यावेळी माजी कॅबिनेट मंत्री तथा आ.डॉ.संजय कुटे यांच्यासह नगर पालिकेचे उपाध्यक्ष, सर्व सभापती व नगरसेवक यांची प्रमुख उपस्थिती होती.
शहरातील हिंदु व बौध्द समाजबाधवांच्या मागणीवरून छत्रपती शिवाजी महाराज यांचा अश्वारूढ व डॉ.बाबासाहेब आंबेडकर यांचा पुर्णाकृती पुतळा निर्मीतीचे वचन माजी कॅबिनेट मंत्री आ.डॉ.संजय कुटे व नगराध्यक्षा सौ.शकुंतलाताई बुच यांनी संबधीतांना दिले होते. दोन्ही समाजबांधवांच्या मागणीनुसार न.प.सभागृहात सर्वानुमते ठराव मंजूर करून तत्कालीन मुख्याधिकारी व माजी नगराध्यक्ष तथा भाजप गटनेते शरदसेठ अग्रवाल यांच्यासह सत्ताधारी यांनी याकरीता सततचा पाठपुरावा करून न.प.प्रशासनाकडून आवश्यक ती कार्यवाही करून घेतली व प्रत्येकी 21 लक्ष रूपये किंमतीच्या दोन्ही पुतळ्यांच्या निर्मितीसाठी पुणे येथे ऑर्डर दिली होती.त्यावरून पुणे येथील कला संस्कार आर्ट स्टुडीओ येथे या भव्य अशा दोन्ही पुतळ्यांची निर्मिती करण्यात आली आहे. शिवजयंतीच्या पर्वावर आज १९फेब्रुवारी रोजी छत्रपती शिवाजी महाराज व घटनाकार भारतरत्न डॉ.बाबासाहेब आंबेडकर यांचा पुतळा त्यांच्या नियोजित जागी स्थानापन्न करून लोकार्पण केल्या गेले.
यावेळेस शेगावात आनंद निर्माण झाला आहे. त्याचप्रमाणे संतनगरीत या दोघा महापुरूषांचे भव्य पुतळे बसविल्यामुळे शहराच्या सौंदर्यात भर पडली असून हे पुतळे तरूणाईकरीता प्रेरणादायी ठरतील. यावेळी नगर पालिकेचे सर्व सभापती, नगरसेवक यांची प्रमुख उपस्थिती राहणार होती. तरी यावेळी ऐतिहासिक सोहळ्याचे साक्षीदार होण्यासाठी शेगाव वासीयांनी मोठ्या संख्येने उपस्थित हजर होते.
कोणत्याही टिप्पण्या नाहीत:
टिप्पणी पोस्ट करा