सत्रासेन प्रतिनिधी:सुभाष पाटील
होळी हा भारतामधील एक लोकप्रिय सण आहे. होळी हा सण सञासेन येथील ग्रामस्थांनी मोठ्या उत्साहात आपल्या रूढी परंपरा प्रमाणे साजरा करण्यात आला. उत्सव फाल्गुन महिन्यात येतो.या सणाला 'रंगपंचमी','होळी पौर्णिमा','शिमगा' असेही म्हटले जाते.लहानांपासून ते मोठ्यांपर्यंत सगळेजण हा रंगांचा सण उत्साहाने व आनंदाने साजरा करतात.
वरिष्ठांना विचारले असता हा सण का साजरा करतात त्यांनी या सणाबद्दल सांगितले की हिरण्यकशपू नावाचा एक अहंकारी राजा होता. त्याचा मुलगा प्रल्हाद विष्णु देवाचा मोठा भक्त होता.त्याने प्रल्हादला देवाची भक्ति करण्यपासून थांबवले,पण प्रल्हाद काय थांबला नाही.हिरण्यकशपूची बहिण होलिका हिला आगीपासून सुरक्षित राहण्याचा वरदान होता.त्यामुळे हिरण्यकशपूने अग्नी पेटवून त्यामध्ये होलिकेला प्रल्हादला मांडीवर घेऊन बसायला लावले.आपल्या वरदानाचा गैरवापर केल्यामुळे होलिका दहन झाली व प्रल्हाद सुखरूप राहिला.असे मानले जाते की या दिवसापासून होळी हा सण साजरा करतात.
सत्रासेन ग्रामस्थांनी होळी दहनला लाकडाच्या ढीगापासून होलिका तयार केली होती.संध्याकाळी तिची पूजा झाल्यानंतर तिला पेटवण्यात आले. प्रत्येकाच्या घराची पूरणपोळी, करंजी आणि इतर गोड पदार्थ याचे होळीला रुढी-परंपरा प्रमाणे नैवद्य देतांना पाहण्यास मिळाले.
दुसऱ्या दिवशी धुलीवंदन आहे म्हणजेच धूलिवंदनाला लोक एकमेकांमधील रूसवे फुगवे विसरून आनंदाने नाचत गाजत,एकमेकांना रंग लावत हा सण उत्साहाने साजरा करतात.
भारताच्या विविध भागांमध्ये होळी वेगवेगळ्या प्रकारे साजरा केली जाते.
तसेच आपल्या सत्रासेन गावांमध्ये आपल्या परंपरा होळी दहन सण साजरा करण्यात आला.
कोणत्याही टिप्पण्या नाहीत:
टिप्पणी पोस्ट करा