शेगांव:प्रतिनिधी:शेगांव शहरातील सरकारी फैल या भागातील तरूण व तरुणीची रेल्वे रुळावर जाऊन आत्महत्या केल्याची घटना काल रात्री ११:३० वाजताच्या सुमारास घडल्याची माहिती शेगाव रेल्वे पोलिसांनी दिली आहे.
रेल्वे रूळावर आत्महत्या केलेल्या तरुणाचे वय १७ वर्ष व त्याचे नाव राम अनिल नामदास तर तरुणीचे वय १५ वर्ष व नाव राधीका अनिल करडे असून या दोन्ही तरुण-तरुणीने शेगाव शहरातील चारमोरी जवळ खंबा किलोमीटर ५४८, १०-१२ च्या मध्ये आत्महत्या केल्याचे दिसून आले.
या भागात वरील प्रमाणे अंतरावर मुलगा व मुलगी यांनी रेल्वे रुळावर आत्महत्या केल्याच्या मेमोवरून ए.पी.आय.सागर गोळे, पो.हे.कॉ.बाळु खिराडे,ज्योती खिराडे,पो.शि.अशांत चोरटे सर्व घटनास्थळावर पोहोचले व पंचनामा करुन तरुण-तरुणींच्या शरीराचे शवविच्छेदन केल्यानंतर शरीर नातेवाईकांच्या ताब्यात देण्यात आले.
संपूर्ण घटनेचा तपास पी.एस.आय.पाणपाटिल हे करत आहेत. मात्र शहरात तरुण-तरुणीहे प्रेमीयुगुला असल्याचे बोलले जात आहे तर पोलिसांनी याबाबत तपासात तसे स्पष्ट झाले नाही असे सांगितले.व घटनास्थळी मोबाईल फुटलेल्या अवस्थेत आढळून आला असल्याचेही रेल्वे पोलिसांनी सांगितले आहे.
कोणत्याही टिप्पण्‍या नाहीत:
टिप्पणी पोस्ट करा