धुळे:प्रतिनिधी:दिनांक- २९/०२/२०२० रोजी रात्री शिरूड गावात सेंट्रल बँक ऑफ इंडिया या बँकेचे ए.टी.एम. ला पाच चोरट्यांनी वायरलूप लावून पीक अप गाडीच्या सहाय्याने ओढून ए.टी.एम. मशीन व त्यातील रोख रक्कम असे एकूण १४,०७,५००/- रूपये. चोरी करून नेले होते. ह्या गुन्ह्याची नोंद धुळे तालुका पोलीस स्टेशनला भाग ५ गु.र.नं. ७८/२०२० भा.द.वि कलम ३८०,४२७,३४ प्रमाणे गुन्हा दाखल करण्यात आला होता.
सदर गुन्ह्याचा तपास करणे हे पोलीसांपुढे मोठे अव्हान होते. मा. पोलीस अधीक्षक श्री. चिन्मय पंडीत व अपर पोलीस अधीक्षक डॉ. श्री. राजू भुजबळ व स्थानिक गुन्हे शाखेचे पोलीस निरीक्षक श्री. शिवाजी बुधवंत यांना सदर गुन्ह्याचे तपासाबाबत सूचना व मार्गदर्शन केले होते.
त्याप्रमाणे गुन्ह्याचा समांतर तपास स्थानिक गुन्हे शाखा, धुळे कडे चालू असताना पोलीस निरीक्षक. शिवाजी बुधवंत, यांना गुप्त बातमीदारा मार्फत बातमी मिळाली होती की, सदरचा गुन्हा हा चॅम्पीयनसिंग मिलनसिंग भादा याने त्यांच्या साथीदारांच्या मदतीने केलेला आहे असे आढळून आले होते त्या वरून त्यांनी पथकास आदेश देऊन त्यांचा शोध घेऊन तपास करण्याचे आदेश दिले होते.
त्या वरून धुळे शहरातील मालेगाव रोड परिसरातून ईसम नामे चम्पीयनसिंग मिलसिंग भादा यास तपासकामी ताब्यात घेऊन त्यास विश्वासात घेऊन विचारपूस करता त्याने सदर गुन्ह्याची कबुली देऊन सांगितले की त्याने त्याचे चार साथीदारांच्या मदतीने दोन मोटार सायकली मोहाडी परिसरातून चोरून आणून त्याच्या वरून जाऊन अग्रवाल नगर येथेल पीक अप गाडी चोरून तिच्या मधून शिरूड गावात जाऊन तेथील सेंट्रल बँक ऑफ इंडिया चे ए.टी.एम. चोरून आणले होते ते दंडेवाले बाबा नगर मधील एका घरात तोडून त्यातील पैसे सर्वांनी वाटून घेऊन ते नवकार नगर, सावळदे रोड, मोहाडी, येथील एका विहरीत टाकले होते. त्या नंतर पीक अप गाडी डेडरगाव तलावा जवळ सोडून दोन मोटारसायकली मोहाडी गावात सोडून दिल्या होत्या
त्या नंतर ताब्यातील संशयित आरोपी चॅम्पियन सिंग भादा याने दंडेवाले बाबा नगर, मोहाडी येथील ज्या घरात ए.टी.एम. तोडलेले होते त्या घरातून ए.टी.एम.चे स्पेअरपार्ट तसेच ए.टी.एम. तोडण्यासाठी लागणारे साहित्य, छनी, हातोडा, ईलेक्ट्रॉनीक कटरचे पाते ईत्यादी वस्तू तसेच नवकार नगर मधील एका विहरीतून ५०,००० हजार रूपये किंमतीचे DIE BOLD कंपनीच्या ए.टी.एम.चे पाच तुकडे तसेच ए.टी.एम. फोडून सदर आरोपींच्या हिश्यास आलेली १,००,०००/- रुपये असे एकूण १,५०,०००/- रू. किंमतीचा मुद्देमाल हस्तगत केला आहे.
वरील कारवाई ही मा. पोलीस अधीक्षक श्री. चिन्मय पंडीत, अपर पोलीस अधीक्षक डॉ. श्री. राजू भुजबळ यांचे मार्गदर्शना खाली स्था.गु.शा. धुळे चे पोलीस निरीक्षक श्री. शिवाजी बुधवंत व त्यांच्या पथकातील स.पो.नि. उमेश पाटील, पोलीस उप निरीक्षक- हनुमान उगले, अनिल पाटील, असई नथ्थू भामरे, पो.हे.कॉ. रफीक पठाण, संदिप थोरात, सुनिल विंचूपरकर, संजय पाटील, महेंद्र कापुरे, पो.ना.
प्रभाकर बैसाणे, श्रीकांत पाटील, गौतम सपकाळे, कुणाल पानपाटील, अशोक पाटील, उमेश पवार, राहुल सानप, रविकिरण राठोड, विशाल पाटील, मुयर पाटील, श्रीशैल जाधव, योगेश जगताप, तुषार पारधी, मनोज बागुल, सागर शिर्के, चेतन कंखरे, मनोज पाटील,नितीन मोहने, वसंत पाटील, मायुस सोनवणे, विजय सोनवणे, महेश मराठे, मनोज ब्राम्हणे, किशोर पाटील, गुलाब पाटील, दिपक पाटील, विलास पाटील व केतन पाटील अशांनी केली असून उर्वरीत आरोपींचा शोध घेऊन त्यांच्या कडून गुन्ह्यातील चोरीस गेलेली रोख रक्कम हस्तगत करण्याचा प्रयत्न चालू आहे
कोणत्याही टिप्पण्‍या नाहीत:
टिप्पणी पोस्ट करा