अतिप्राचीन मंगळग्रह मंदिर भाविकांसाठी बंद करण्याची प्रहार जनशक्ती पक्षाचे पंकज पाटील यांची उपविभागीय अधिकारी यांच्याकडे मागणी .

अमळनेर i संपादक - संतोष भोई
कोरोनो व्हायरसच्या पार्श्वभूमीवर अमळनेर तालुक्यातील अतिप्राचीन ,अतिदुर्मिळ मंगळग्रह मंदिर भक्तांच्या दर्शनासाठी त्वरित व तात्काळ बंद करण्यात यावे. मंगळग्रह मंदिरावर दर्शन घेण्यासाठी संपूर्ण महाराष्ट्रातून ,बाहेरील राज्यातून व देश भरातून भक्तगण येत असतात.

कोरोनो व्हायरसच्या पार्श्वभूमीवर देशातील ताजमहल व महाराष्ट्रातील अतिप्राचीन अशी धार्मिक स्थळावर भाविकांना बंदी करण्यात आली आहे किंबहुना ती ऐतिहासिक व धार्मिक स्थळे बंद देखील  करण्यात आली आहेत.कोरोनो हा  आजार संसर्गजन्य असल्याने लोकानी समूह करून एका ठिकाणी जमा होवू नये असे आव्हान देशाचे लोकप्रिय पंतप्रधान नरेंद्र मोदिजीनी केले आहे .

मंगळग्रह मंदिरावर देश भरातून भाविक येतात .मंगळ ग्रह मंदिरावर  मंगळ ग्रहाच्या शांतीसाठी प्रचंड गर्दी येत असते  गर्दी करून पूजा अर्चा व प्रसादाचा लाभ भाविक भक्त गण घेतात .त्यामुळे माणसांची मांदियाळी व गर्दी इथे दररोज पाहायला मिळते .१७ मार्च २०२० रोजी  देखील  मंगळवार असल्याने मोठ्या प्रमाणात भक्त भाविकांनी गर्दी केली होती व गर्दी होत राहील .त्यामुळे देशातील व इतर राज्यातून  मोठ्या शहरातून येणाऱ्या भक्त भाविकांमुळे अमळनेर तालुक्यात कोरोनो व्हायरस पसरण्याची दाट शक्यता नाकारता येत नाही.याची गांभीर्याने नोंद व दखल घेण्याची गरज प्रशासनाची आहे व राहील .कोरोनो व्हायरसच्या पार्श्वभूमीवर भविष्यात होणाऱ्या   संसर्गजन्य आजाराला आजच पायबंद घालण्यासाठी मंगळग्रह मंदिर भक्त भाविकांच्या दर्शनासाठी त्वरित व तात्काळ बंद करण्यात यावे. तालुक्यात मास्क वाटणे सुरु असून त्याचे योग्य नियोजन होणे गरजेचे आहे . मास्क लावून कोरोनो व्हायरसचा पुर्ण पणे पायबंद होवू शकत नाही. तसेच मास्क व्यवस्थित डस्टबिन मध्ये टाकणे देखील गरजेचे आहे . sanitizer व  soap वाटल्यास आणि हात धुण्याविषयी जागरूकता निर्माण केल्यास जास्त उपयोग होईल या सर्व उपाय योजनांचा प्रसार आपल्या आरोग्य विभागातील कर्मचारी यांच्याकडून होणे गरजेचे आहे.

 ज्याठिकाणी अमळनेर तालुक्यात  लोकांची मांदियाळी जमा होते अशी ठिकाणे त्वरित व तात्काळ बंद करण्यात यावीत अशी मागणी देखील प्रहार जनशक्ती पक्षाचे तालुका अध्यक्ष पंकज पाटील यांनी तहसिलदार अमळनेर व प्रांत अमळनेर यांच्याकडे ऑनलाइन केली आहे.


https://www.facebook.com/147552098663693/posts/2849684735117069/