शेगांव i प्रतिनिधी - उमेश राजगुरे : संपूर्ण जगासह भारत देशातही कोरोना
व्हायरसने थैमान माजवला आहे. या संसर्गजन्य रोगाच्या पार्श्वभूमीवर देशामध्ये
खबरदारी म्हणून वेगवेगळ्या उपाययोजना शासन राबवितांना दिसत आहे. त्याच अनुषंगाने
बुलढाणा जिल्ह्यातही जिल्हाधिकारी यांच्या निर्देशानुसार शालेय विभागापासून
तर सांस्कृतिक, सामाजिक, धार्मिक तसेच
गर्दीच्या ठिकाणी मोठ्या प्रमाणात लोकांनी एकत्रित येऊन गर्दी करु नये म्हणून शाळा
महाविद्यालय यांना ३१ मार्चपर्यंत सुट्टी घोषित करण्यात आली आहे.
शेगांव देवालय संस्थानाने जिल्हाधिकारी यांचे
आदेश पाळत देवालय बंद केले आहे. महाराष्ट्रात
अद्याप पावेतो काही संस्थाने आपल्या आर्थिक लाभासाठी धार्मिक स्थळावर गर्दी करून घेवून संस्थाने चालू
ठेवत असल्याचे चित्र आहे . धार्मिक स्थळे ही ३१ तारखेपर्यंत बंद ठेवण्याचे आदेश माननीय
जिल्हाधिकारी सुमन चंद्रा यांनी दिलेत .असे असतानाही शेगाव शहरातील आठवडी बाजार आज
काही प्रमाणात भरलेला दिसून आला. मुख्यमंत्र्यांनीही गर्दीच्या ठिकाणी जाऊ नका,
शक्यतो प्रवास टाळा अशा सूचना दिलेले असतानाही आज शेगाव शहरात मात्र हे सर्व नियम
व मुख्यमंत्र्यांचे आदेश येथील आठवडी बाजारात गुंडाळून ठेवलेले दिसून आले. याकडे प्रशासनाने लक्ष देणे गरजेचे आहे.
कोणत्याही टिप्पण्या नाहीत:
टिप्पणी पोस्ट करा