अमळनेर (प्रतिनिधी) अमळनेर मतदार संघात 24 कोटींचे रस्त्याच्या कामांना अर्थसंकल्पीय अधिवेशनात पुरवणी मागण्यांमध्ये मंजुरी मिळाली आहे. मंजुरी मिळाली आहे. आमदार अनिल भाईदास पाटील यांच्या माध्यमातून या कामांना मंजुरी मिळाली असून मतदार संघातील रस्ते चकचकीत होणार आहेत.
या कामांमध्ये प्रमुख जिल्हा मार्ग, राज्य मार्ग या मार्गाच्या कामाची मंजुरी या अर्थसंकल्पात मंजूर झाले आहेत. त्यामुळे खराब रस्ते दर्जेदार होतील व रस्त्यांवरील वाहतूक सुरळीतपणे चालू होईल. खराब रस्त्यांमुळे नागरिकांना खूप मोठा त्रास सहन करावा लागतो. रस्ते खड्डेमय झाल्याने खड्डे चुकवीत असतांना अपघात होतात. यामुळे वाहनचालकांना मोठा फटका बसतो. यासाठी या अर्थसंकल्पात तरतूद झाल्याने लवकर कामे सुरू होतील.
यासाठी उपमुख्यमंत्री अजित पवार, सार्वजनिक बांधकाममंत्री अशोक चव्हाण यांच्याकडे आमदार अनिल भाईदास पाटील यांनी सतत पाठपुरावा केल्याने कामांना मंजुरी मिळाली आहे.
कोणत्याही टिप्पण्या नाहीत:
टिप्पणी पोस्ट करा