जळगाव प्रतिनिधी: जळगांव येथील औदयोगिक वसाहत 2 अयोध्या नगर मधील रेशन दुकानदाराचा मनमानी कारभार सुरू असून हे रेशन दुकाळ महिला चालवीत आहे. हे रेशन दुकान नेहमीच बंद असते. वेळेच्या फलका नुसार रेशन दुकान कधीच उघडत नाही.
विशेषतः प्राधान्य कुटुंबातील रेशन कार्ड धारकांना अपमानित करून धान्य न देता ‘रेशन धान्य आलं नाही’, ‘धान्य पुरवठा कमी मिळाला’, ‘मी तुमच्या रेशन कार्ड वरील धान्य उचलले नाही’, ‘मी घरगुती कामामुळे रेशन दुकान उघडू शकत नाही’, अश्या विविध प्रकारे उत्तर देऊन रेशन कार्ड धारकांना घरी पाठविण्यात येत असते.हा त्रास नेहमीचा असल्या कारणाने काही नागरिकांनी रेशन घेणे टाळले असून तर काहींनी रेशन दुकान बदलविले आहे.
महिला रेशन दुकानदाराच्या या शिरजोरीला आता पर्यंत तिच्या वर एकदाही कारवाही केली नाही. असा कोणता मोठा हस्तक तिच्या पाठी मागे आहे ? असा प्रश्न परिसरातील जनतेला पडलेला आहे.सदर महिला दुकानदार नेहमी ‘माझं कोणी काही करू शकत नाही,तुम्हाला जिथे जायायचे आहे तिथे जा’, अश्या शिरजोरी भाषेत बोलत असते. यामुळे परिसरातील संतप्त रेशन कार्ड धारकांची सदर महिला दुकानदारावर प्रशासनाने कठोर कारवाई करावी व आम्हाला नियमित रेशन धान्य मिळावे अशी मागणी केली आहे.
कोणत्याही टिप्पण्या नाहीत:
टिप्पणी पोस्ट करा