शेगाव:प्रतिनिधी गुप्त माहितीवरुन धाड टाकून पूर्णा नदीपात्रातील दुसराही गावठी दारू अड्डा ग्रामीण पोलिसांनी बुधवारी दुपारी उद्वस्त केला . या कारवाईत १२ हजारांचा मुद्देमाल जप्त करण्यात आला .
ग्रामीण पोस्टेचे ठाणेदार एपीआय गोकुळ सूर्यवंशी यांच्या मार्गदर्शनात - पोलीस उपनिरीक्षक अरविंद कुमरे , पोलीस नाईक,रवींद्र बराटे , कैलास सुरडकर , संतोष खरात यांच्या पथकाने ग्राम खातखेड शिवारातील पूर्णा नदीच्या पात्रात धाड टाकली .
यावेजी एकनाथ भगवान तलवारे बांच्याबाबत मिळालेल्या गुप्त माहितीनुसार धाड टाकली . त्याचे कब्जातून पत्राचे २१ डब्या मधील २१० लिटर मोहसडवा किंमत १०,५०० रु.चा व ९लिटर दारू किंमत ९०० रु.तसेच साहित्य किंमत ११०० रुपये असा एकूण १२ , ५०० रुपयांचा मुद्देमाल मिळून आल्याने जप्त करण्यात आला . याप्रकरणी पोउपनि अरविंद कुमरे यांच्या तक्रारीवरून एकनाथ तलवारे विरुद्ध कलम ६५ ( ई ) ( फ ) महाराष्ट्र दारूबंदी कायदा सहकलम १८८ भादविनुसार गुन्हा दाखल करण्यात आला आहे . या . कारवाईमुळे अवैध व्यावसायिकांचे धाबे दणाणले आहे .
कोणत्याही टिप्पण्या नाहीत:
टिप्पणी पोस्ट करा