जळगावकरांना दिलासा देणारी बातमी
जळगाव प्रतिनिधी:जळगाव शहरात कोरोनाचा पहिला रुग्ण आढळल्यानंतर प्रशासनाने मोठ्याप्रमाणात खबरदारी घेऊन कोरोना मुक्तीसाठी लढा दिला होता. गेल्या पंधरवड्यात कोरोना पॉझिटिव्ह रुग्ण संख्येत कोणतीही वाढ झाली नाही यामध्ये प्रशासनाच्या प्रयत्नांचा मोठा वाटा आहे.
कोरोना मुक्तीसाठी झटणारे डॉक्टर्स, परिचारिका, आशा सेविका, पोलीस, सामाजिक संस्था, मलेरिया, आरोग्य विभाग, साफसफाई अधिकारी, कर्मचारी व शासकीय कर्मचारी या सर्वांचे महापौर भारती सोनवणे यांनी आभार व्यक्त केले आहे.
जळगाव शहरातील कोरोनाच्या पहिल्या पॉझिटिव्ह रुग्णाचा अहवाल सोमवारी निगेटिव्ह आला. जळगावकरांच्या दृष्टीने ही दिलासा देणारी मोठी बाब आहे. कोरोना मुक्तीसाठी लढा देत असलेल्या डॉक्टर्स, परिचारिका, आशा सेविका, पोलीस, सामाजिक संस्था, मलेरिया, आरोग्य विभाग, साफसफाई अधिकारी, कर्मचारी व शासकीय कर्मचारी यांच्या प्रयत्नांमुळे आजवर इतर कुणीही पॉझिटिव्ह रुग्ण आढळून आलेला नाही. या सर्वांप्रती मी कृतज्ञता व्यक्त करते असे महापौर भारती सोनवणे यांनी सांगितले.
नागरिकांनो, नियमांचे पालन करा
कोरोना पॉझिटिव्ह रुग्णाचा अहवाल निगेटिव्ह आला असला तरी नागरिकांनी प्रशासनाने दिलेल्या नियमांचे पालन करणे आवश्यक आहे. वारंवार हात धुणे, सोशल डिस्टन्सचे पालन करणे, मास्क वापरणे, कान, नाक, डोळ्याला वारंवार हात न लावणे या बाबींचे नागरिकांनी कसोशीने पालन करावे असे आवाहन महापौर भारती सोनवणे यांनी केले आहे. तसेच संबंधित कोरोना रुग्णाचा दुसरा रिपोर्ट पंधरा दिवसांनी पुन्हा निगेटिव्ह यावा यासाठी महापौरांनी सदिच्छा व्यक्त केल्या आहे.
कोणत्याही टिप्पण्या नाहीत:
टिप्पणी पोस्ट करा